Accessibility links

шимбә, 10 декабрь 2016, Казан вакыты 02:19

Miñtimer Şäymiev Gazataga nilär äytkän?


Miñtimer Şäymiev Gazataga nilär äytkän?

Tatarstan prezidentı Mintimer Şäymiev Gazeta dip atalğan federal' gazeta xäbärçese Nadejda Kevorkovağa intervyu birgän. Bu äñgämädä ul Tatarstan häm federal' üzäk mönäsäbätläre turında şaqtıy saq häm diplomatik süzlär äytqän. Ämmä, konstitutsiäneneñ nigezen saqlaw häm şartnamäne saqlaw turında töple argumentlar äytä häm, iñ möhime, Vladimir Putinnıñ şuşı qaraşta buluın iskä töşerä. Dimäk, küp kenä sübyektlar üz şartnamälären Mäskäwgä iltep taşlağan waqıtta, Tatarstannıqı yäşärgä tieş. Menä şuşı prioritet maqsatqa ireşü öçen nindider çigenülär bulamı-yuqmı – xäzergä äytep bulmıy.

Äye, näq ber ay elek, 30 avgustta, Qazan kremlendä Putin tatarlar belän oçraşıp, tatar yazmışı turında kiñäşläşte. Bu qayber başqa säyäsi dairälärne könläştergän häm açıqtan-açıq demokratik söyläşüdä äytelgän süzlär qayberäwlärneñ açuın kitergän oçraşu buldı. Äle dä şul söyläşüneñ eçtälege qabat-qabat täqrarlänä. Başqortostandağı radikal başqort millätçeläreneñ respublika xaqimiätenä tä'sire zurlığı açıqtan-açıq kürende. Xalıq sanın alğanda tatarlarnı kimetep, başqortlarnı arttıru maqsatında zur propagandistik kampaniä alıp barıla. Tatarstanda monı añlıylar. Törle artistlarnıñ, yazuçılarnıñ, populyar cırçılarnıñ tatarça çığış yasawı, biyüwe, cırlawı bernindi säyäsi maqsatqa yüunältelmägän bulsa da, tatarlarda milli añnı köçäytergä mömkin. Şuña kürä, Oktyabrskidan, Dürtiledän, Böredän häm başqa töbäklärdän tatar artistları kire qaytarıp cibärelä. Bez maxsus qızıqsındıq, Qazannan barğan jurnalistlar häm artistlar bernindi aqça tüläw, xalıqnı cıyu, çegender cıyunı tuqtatu täläplären quymıy. Xäzer jurnallar häm gazetalar podpiska ütkärä. Äbünäçelär belän oçraşırğa tırışqan redaksiä xezmätkärläre häm sänğätkärlär Başqortostandağı tatarlar belän oçraşırğa bara ikän, monda bernindi xilaflıq yuq. Çönki Rusiädä urtaq iqtisadi häm mädäni möxit. Rayonnarğa, şähärgä baru öçen bernindi viza, röxsät kiräk tügel.
XS
SM
MD
LG