Accessibility links

якшәмбе, 4 декабрь 2016, Казан вакыты 02:58

Bulaçaq injenerlar tatarça uqıyaçaqmı?


Bulaçaq injenerlar tatarça uqıyaçaqmı?

Millätne üsterü könbatış Başqortostanğa barıp, andağı xalıqnı ügetläwgä genä qaytıp qalmıy, älbättä. Ağımdağı problemalar bik küp. Tatarstanda yuğarı uqu yortlarında tatarça uqıtunıñ zur ğına täcribäse tuplanğan. Tözeleş, awıl xucalığı, texnologik universitetlarda tatar bülekläre eşli. Ni qızğanıç, texnologik universitetnıñ citäkçelege şuşı uqu yortında eşläp kilüçe metodik üzäkneñ ştatın häm tatarça uquçılarnıñ sanın qısqartqan. Bu turıda şuşı uqu yortınıñ xezmätkäre, tatarça belem birü üzägeneñ citäkçese Nikolay Maksimov şundıy fikerlär äytte:

Tatar mäktäplärendä uqığan balalar yuğarı mäktäptä tuğan telendä belem alırğa xaqlı. Bezneñ texnologik universitetta tatarça belem birü qıyınlıqlarğa oçrıy. Xäzer metodik üzäktä ber genä keşe eşli. Yuğarı mäktäptä tatarça uqıtu tuqtap qalırğa mömkin. Moña yul quyırğa yaramıy.

Yuğarı uqu yortında tatarça belem alu mömkinlege bulmasa, zamança mäğlümät texnologiälärenä tatar tele kertelmäsä, millät turında söyläşüneñ mäğnäse yuq, dip sanıy respublikadağı pravoslav dinen totuçı tatarlarınıñ iñ layıqlı wäkillärennän berse Nikolay Maksimov.

Azatlıq radiosı öçen Qazannan Rimzil Wäli
XS
SM
MD
LG