Accessibility links

шимбә, 10 декабрь 2016, Казан вакыты 21:40

Tatarstanda ölkän yäştägelär küpme häm nixäldä?


Tatarstanda ölkän yäştägelär küpme häm nixäldä?

1992 yıldan birle Tatarstanda BMO kertkän Ölkännär köne ğädätkä kergän ber räsmi çarağa äwerelep bara. Bıyıl ölkännärne premier-ministr Röstäm Miñnexanov qotladı. Qotlawda respublika citäkçelegeneñ ölkän buınnıñ härberseneñ qartlıq könen ciñeläytü öçen barısında eşläyäçäk, dielä. 2001 yılda, dielä qotlawda, ölkännärgä törle yärdäm çaralarına büdjettan 215 million sumnan artıq aqça bülep birelde. Statistika respublikada ölkännär, yäğni 60 yäştän uzğan irlär häm 55 yäştän uzğan xatın-qızlar 752.400 keşe häm alar barlıq xalıqnıñ 1/5 öleşen täşkil itälär. Şuña kürä ölkännär belän isäpläşmiçä yäşäp hiçtä bulmıy. Xäzerge zamanda alarnıñ matdi xäle dä, şul äytkändäy, taşqa ülçim. Xökümät törle taşlamalar yasasada, Rusiä quyğan häm arttırğan bäyälärne hiçtä quıp citärlek tügel. Bügen pensiäne berniçä distä sumğa arttıralar, ä irtägä utqa, gazğa aylıq tüläwlär yözärlägän sumğa kütärelä. Xäyer, ul arttırılğan pensiälär dä xätta räsmi mäğlümatlar kürsätkänçä yäşäw minimumın quıp citä almıy äle. Şul uq räsmi statistika ölkännärneñ garantiäle kereme - pensiä bügenge köngä urtaça 1.160 sum bulsa, ä ber keşelek yäşäw minimumı Tatarstanda 1.197 sum täşkil itä, dip täqrarlıy.
XS
SM
MD
LG