Accessibility links

якшәмбе, 11 декабрь 2016, Казан вакыты 09:13

Tatarstannıñ altın gäwhär waqıfı beterelde


Tatarstannıñ altın gäwhär waqıfı beterelde

Şunısı qızıq, näq menä Ölkännär könendä alarğa xökümät kürsätkän sotsial' yärdäm turında süz quyırğan könne xökümät qaznasında altın betkäne mäğlüm buldı. Tatarstan qaznasında sentner yarım altınnıñ qayan kilep qaya kitüe turında süz Ministrlar Kabinetında sişämbe brifingında bardı. 1997 yılda Tatarstanda, älbättä, izge niätlärdä iqtisadnıñ totrıqlılığın tä'min itü öçen altın gäwhärlär waqıfı buldırıldı. Aña Goxran, yäğni däwlät saqlağıçı digän räsmi status birelde. Seber yaqlarına Tatarstan araqısı satıp, anda 150 kg altın buldırıldı. Monnan ber yıl çaması elek respublika xaqimiätenä gel oppozitsiädä qalıp barğan ämma Rusiä Däwlät Duması deputatına xätle üskän mäğlüm eşmäkär Sergey Şaşurin tawış çığardı. İmeş, min täqdim itkän sxema, yäğni Seberdän araqığa alıştırıp alıp tuplanğan altın zapası qayadır sarıf itelgän.

Sişämbe brifingında menä şuşı ğäyepläwgä räsmi cawap birelde. Älege altınnıñ ber sentnerı 1999 yılda satılğan häm annan kilgän aqça tışqı burıçlarnı qaplawğa totılğan. Qalğan 60 kg altın 2001 yılnıñ oktäberendä satılğan, keremnäre büdjetqa östämä fayda bulıp kertelgän. Şunıñ belän altın waqıfın tuplaw eşe tuqtatıldı, dielde brifingta. Goxran, yäğni däwlät saqlağıçı da beterelgän. Respublikanıñ altın gäwhär waqıfı Mäskäw taläbe belän beterelä ikän, digän imeş-mimeşlärgä dä çik quyıldı. Elekkege Goxrannıñ citäkçese Yuri Semenov jurnalistlar sorawlarına cawap birgändä, bernindi dä Mäskäw kürsätmäse, Mäskäw basımı bulmadı, dip belderde. Xäyer, elekkege citäkçegä alay äytsä dä, yuğarıda älläni gönahlı itmäslär inde.
XS
SM
MD
LG