Accessibility links

якшәмбе, 11 декабрь 2016, Казан вакыты 09:01

Tatarstan Däwlät Şurası utırışın başladı


Tatarstan Däwlät Şurası utırışın başladı

Çärşämbe könne Tatarstannıñ Däwlät Şurası tänäfestän soñ 13-nçe plenar sessiäse utırışın başlıp cibärde. Bu utırışta 48 mäsälä tikşerelergä tieş. Şularnıñ unbişe 5-nçe häm 6-nçı sentäberlärdä bulgan sessiädä qarap ölgerä almagan mäsälälär. Älbättä, kön tärtibenä kertelgän punktlarnıñ iñ möhime Rusiä General proqurorı urınbasarı Aleksandr Zvyagintsovnıñ Tatarstan respubliqasınıñ yaña redaktsiädä qabul itelgän Konstitutsiäsenä protestı. Monnan tış, Däwlät Sovetı xökümät täqdim itkän «Transport salımı turındagı», «Tatarstan respubliqasınıñ yul fondı turındagı» zaqon proektları da tikşerelä. Qayber eksperlar äytüenä qaraganda, Tatarstan Däwlät Sovetı Zvyagintsev protestınıñ xoquqıy nigezlären Rusiä Yuğarı konstitutsion mäxqämäsendä dägwalarga qarar qılgan. Ä bu isä, üz çiratında, 5-6 ay däwamında Tatarstan Konstitutsiäsenä qarata bulgan barlıq yuridik protsesslarnı tuqtatıp torırga tieş.
XS
SM
MD
LG