Agımdagı yılnıñ 5 yünendä Rusiä Dumasında Rusiä Federatsiäse xalıqları telläre turındagı qanunğa berençe uqılışta östämälär kertülüe turında şaqtıy gına xäbär bulgan ide. Bu östämälär buyınça Rusiädäge däülät telläre barı tik kiril xäreflären qullana alaçaq. Ägär başqa alfavitqa küçergä kiräk bulsa, fäqät maxsus federal zaqon buyınça ğına mömkin bula. Läkin älegä bu zaqon berençe uqılışta gına qabul itelgän ide.
11 üktäberdä Däülät Duması bu mäsälägä qabat äylänep qaytmaqçı. Älege östämälärne ikençe uqılışta qabul itsä, zaqonnı öçençe uqılışta qarıysı häm prezident Putinnnıñ imza salası ğına qala. Läkin älegä Tatarstanda qabul itelgän latin grafikası nigezendä tatar alfavitın yañadan torgızu turındağı qanunnı berkem dä ğämäldän çıgarmadı. Bügenge köndä Qazandagı uram isemnäreneñ tatarça variantları äkren genä latin yazuına küçerelä tora.
Rusiäneñ üzendä dä latin grafikasın törle ölkälärdä faydalanu mäsälälären köylägän yegermedän artıq normativ aqtlar bar. Şulay uq, Mäskäü merı Yuri Lujkov 11 sentäberdä «Mäskäüneñ altın bocrası» dip atalgan turistik zonasında uram, metro, baqça, park, kunaqxanä, teatr, muzeylarnıñ isemnären latin grafikasında da yazırga digän qarar qabul itte. Yagni latin yazuı urıs telenä dä äkren genä üz yulları belän ütep kerä bara. Rusiä Dumasında 10 deputat kütärep çıqqan, Rusiädäge häm regionnardagı däülät telläre barı tik kiril xärefläre genä qullanırga tieş digän zaqon proektı mägnäsezlektän yıraq kitmi.
11 üktäberdä Däülät Duması bu mäsälägä qabat äylänep qaytmaqçı. Älege östämälärne ikençe uqılışta qabul itsä, zaqonnı öçençe uqılışta qarıysı häm prezident Putinnnıñ imza salası ğına qala. Läkin älegä Tatarstanda qabul itelgän latin grafikası nigezendä tatar alfavitın yañadan torgızu turındağı qanunnı berkem dä ğämäldän çıgarmadı. Bügenge köndä Qazandagı uram isemnäreneñ tatarça variantları äkren genä latin yazuına küçerelä tora.
Rusiäneñ üzendä dä latin grafikasın törle ölkälärdä faydalanu mäsälälären köylägän yegermedän artıq normativ aqtlar bar. Şulay uq, Mäskäü merı Yuri Lujkov 11 sentäberdä «Mäskäüneñ altın bocrası» dip atalgan turistik zonasında uram, metro, baqça, park, kunaqxanä, teatr, muzeylarnıñ isemnären latin grafikasında da yazırga digän qarar qabul itte. Yagni latin yazuı urıs telenä dä äkren genä üz yulları belän ütep kerä bara. Rusiä Dumasında 10 deputat kütärep çıqqan, Rusiädäge häm regionnardagı däülät telläre barı tik kiril xärefläre genä qullanırga tieş digän zaqon proektı mägnäsezlektän yıraq kitmi.