Accessibility links

якшәмбе, 4 декабрь 2016, Казан вакыты 21:41

Tatarstan Däwlät Şurası Rusiä Konstitutsion mäxqämäsenä möräcäğät itä


Tatarstan Däwlät Şurası Rusiä Konstitutsion mäxqämäsenä möräcäğät itä

Tatarstan Däwlät Şurasınıñ 13. plenar sessiäseneñ çirattağı däwamında töp mäs'älä – Rusiä Federatsiäse general' prokurorı Aleksandr Zvyaginsevnıñ yañartılğan Tatarstan Konstitutsiäseneñ 50 artıq nigezlämälären protestlauına qarata mönäsäbät belderü buldı. Sessiädä şuşı protestnı añlatunı ütenep, Rusiä Konstitutsion mäxqämäsenä möräcäğät itärgä qarar itelde. Däwlät Şurası räise Färit Möxämmätşin fikerençä, bu Rusiä Federatsiäse subyektınıñ konstitutsion xoquqı. Tatarstan Konstitutsiäseneñ nigezlämälärenä protestta kiterelgän añlatmalar yuridik körçekkä terälä. Şuña kürä bu mäsälädä Rusiä Konstitutsion mäxqämäse açıqlıq kertergä tieş. Şunnan soñ ğına protest xalıq deputatları qaramağına quyılırğa mömkin. Däwlät Şurasınıñ bu adımın qayber mäğlümat çaraları waqıt suzu, waqıt out niäte, dip bäyäläde. Çönki älege möräcäğätkä qarata nindider näticä çığaru öçen kim digändä, 2-3 ay waqıt kiräk ikän. Ä annarı soñ bu waqıt uzğaç, Rusiä Däwlät Dumasına saylawlar yaqınlaşa häm Rusiä xaqimiätenä respublika citäkçelege belän aralarnı kiskenläşterüdän bernindi dä mäğnä qalmıy.
XS
SM
MD
LG