Accessibility links

сишәмбе, 6 декабрь 2016, Казан вакыты 17:15

Tatarstan zıyalıları Başqortostan zıyalılarına cawap birä


Tatarstan zıyalıları Başqortostan zıyalılarına cawap birä

Däwlät Şurası sessiäseneñ axırında tağın ber möhim mäsälä kütärelde. “Törlesennän” digän bülektä deputat Tufan Miñnullin “Tatar zıyalılarnıñ tatar häm başqort xalıqlarına möräcäğäte” digän möräcäğät proektı tekstın yañğırattı. Bu Başqortostan zıyalılarnıñ Mintimer Şäymievkä mäğlüm möräcäğätenä cawap buldı. Tatar zıyalılarınıñ cawabı bik cılı, dustanä ruxta yazılğan. Anda tuğan tellärneñ, ğoref-gädätlärneñ, mädäniätneñ yaqınlığı täqrärlana. Möräcägättä mondıy yullar bar:

“Şunısı qızğanıç, tarixta bezneñ bu berlegebezne, bähaläp betermäslek duslığıbıznı, ber-berebezdän köç alıp zurayuıbıznı xuplamawçı, ul ğına da tygel, şuşı ike tuğandaş xalıq arasına çöy qağarğa mataşuçı köçlär dä bar. Ämma alar bu ike tuganniñ ber-bersenä bulğan tarixi mönäsäbätlären berqayçan da boza almaslar, ni tatar xalqı, ni başqort xalqı moña irek birmäs, çönki xalıq ixtıari nıq bulğanda, anı bernindi köç tä ciñä almıy. Ämmä bu mäkerle köçlärneñ qılğan gamälläre, ike xalıqnıñ da ixtıarın sanlamawları bezne nıq borçıy. Mondıy yulğa basuçılarnıñ üz zıyalılarıbız häm ğalimnärebez arasında da buluı ikelätä küñelsez. Bezneñ tuğandaş xalıqlarıbız arasın bozarğa tırışu ğamälläre Bötenrusiä xalıq sanın aluğa äzerlänü könnärendä ayıruça yämsez tös aldı”.

Şulay da, ike tuğandaş xalıq mondıy sınawlarnı da layıqlı ütärlär, başqort belän tatar duslığı dönya xalıqlarına ürnäk bulıp qalır, digän teläklär belän tämamlana tatar zıyalıları möräcäğäte. Möräcäğätkä imza saluçılar arasında tanılğan cämäğät eşlekleläre, icat keşeläre: xalıq deputatları Razil Wäliev, Tufan Miñnullin, İndus Tahirov, cırçılar İlham Şakirov, Zilä Sonğatullina, Däwlät Duması deputatı Fändäs Safiullin, xalıq artistları Şäwkät Biktimirov, Räşidä Cihanşina, xalıq şağırläre Rawil Fäyzullin, İldar Yuzeev, xalıq yazuçısı Nurixan Fattax, kompozitor Mirsäyet Yärullin, yazuçı Gäräy Räxim, akademik Mirqasim Ğosmanov, qayber şähär häm rayon xaqimiäte başlıqları bar.
XS
SM
MD
LG