Pänceşämbe könne xalıq deputatlarınıñ Qazan Şurası da çirattağı utırışın ütkärde. Şunısı qızıq, soñğı 4-5 yılda ütkän distälägän utırışlardan bu tatarça alıp barılğan ikençe utırış bulıp çıqtı. 1998 yılda “Tatarstan Respublikası xalıqları telläre turındağı qanun”nı tormışqa aşıru programmasın qabul itkän sessiä tatar telendä barğan. Pänceşämbe sessiäsendä Qazan şähär Şurası xalıq deputatları “1998-2002 yıllarğa Qazanda yäşäwçe xalıqlarnıñ tellären saqlaw, öyränü häm üsterü” programmasınıñ ütäleşe urında xisap tıñladılar. Xisap belän Qazan şähäre administratsiäse milli eşlär bülege başlığı İrek Arslanov çığış yasadı. Äytergä kiräk, xisapta eşlängän eşlär, kürelgän çaralar şaqtıy. Çönki Qazan şähäre tellär saqlaw, öyränü häm üsterügä büdjetınnan yıl sayın 1 % külämendä aqça bülep birüçe respublikada berdän-ber şähär. Qazanda xalıq tellären saqlaw, öyränü häm üsterü programmasına tänqit tä işetelde.
Qazan şähäre Şurası utırışında qatnaşuçı xalıq deputatlarına Qazanda yäşäwçe xalıqlarnıñ tellären saqlaw, öyränü häm üsterü buyınça yaña 5 yıllıq programma täqdim itelde.
Yunıs Ätnäle
Qazan şähäre Şurası utırışında qatnaşuçı xalıq deputatlarına Qazanda yäşäwçe xalıqlarnıñ tellären saqlaw, öyränü häm üsterü buyınça yaña 5 yıllıq programma täqdim itelde.
Yunıs Ätnäle