Accessibility links

Кайнар хәбәр

Bötendönya tatar kongressınıñ Başqarma komitetı portfellär bülä


Bötendönya tatar kongressınıñ Başqarma komitetı portfellär bülä

Bu arada Qazanda küpsanlı çaralar uzıp tora. Pänceşämbe kiçen Bötendönya tatar kongressınıñ Başqarma komitetınıñ qorıltaydan soñ ikençe utırışı uzdı. Biredä tanış yözlär dä, qayber tanış tügelläre dä bar ide. Ozın buylı, bahadir qıäfätle Yar Çallı şähäre xaqimiät başlığı Räşid äfände Xamadiev yartı säğät aldan kilep Kongress binasında xezmätkärlär belän aralaşıp yörde. Yannarında aq şäl yabınğan Fäwziä Bäyramova da bar ide. Ul soñğı qorıltayda Başqarma komitetı äğzası bulıp saylanğan ide. Utırış başında yaña saylanğan räis Rinat Zakirov Başqarma komitetnıñ elekkege citäkçese akademik İndus Tahirovqa qılğan ğamälläre öçen räxmät belderde. Pänceşämbedä uzğan çaranı portfellär bülü utırışı dip tä atap bulır ide. Çönki anda Başqarma komitetınıñ büro ağzaları häm räis urınbasarları bilgelände. Büroda 13 keşe, urınbasarlar dürtäw – Rafail Xäkimov, Damir İsxakov, Razil Wäliev häm Rimzil Wäliev. Altı komissiä tözelde. Mäskäw ölkäse, Latviä häm Başqortostan tatarları oyışmaların räsmi räweştä Bötendönya tatar kongressına qabul ittelär.

Östäp şunısın äytäse kilä: mondıy üzara añlaşıp eşlärgä, urtaq tel tabarğa sälätle keşelär turında matbuğatta ber ay buyı diärlek yaxşısın da, yalğanın da baytaq yazarğa ölgerdelär. Küräseñ, alar aşıqqannar.
XS
SM
MD
LG