Accessibility links

якшәмбе, 4 декабрь 2016, Казан вакыты 07:06

Rusiä xökümätendä Tatarlar turında söyläşü bulaçaq


Rusiä xökümätendä Tatarlar turında söyläşü bulaçaq

Qazanğa kilep, tübätäy kigännän soñ Putin Monomax büregen dä kiep, Rusiä prezidentı ğına tügel, Qazan patşası ikänlegen dä kürsätä ala. Soñğı qanunnar buyınça Tatarstan Rusiä sostavında digängä işarä kürenep tora. Äytergä kiräk, tatarlar Putinğa üpkälämi, aña zur qızıqsınu häm ömet belän qarıy. Bigräk tä 30 avgustta tatar cämäğätçelege belän oçraşıp, millät häm Rusiä yazmışı turında açıqtan-açıq söyläşkännän soñ. Döres, Putinnıñ tatarlar belän oçraşuınnan könläşüçelär, anda äytelgän ğädäti teläklär häm tänqit süzläre öçen üpkäläp, tawış kütärüçelär dä buldı. Ämma Rusiä turında söylägändä, millätlär tigezlege, demokratiä turında onıtsañ, älege il bötenläy cähännämgä äylänergä mömkin.

Moña bäyle ber xäbär. 8 oktäberdä, sişämbe könne, Mäskäwdä Rusiä xökümäte yortında ber şaqtıy ähämiätle cıyın bulaçaq. Rusiä ministrı Vladimir Zorin milli-mädäni möxtariätlärneñ xökümät qarşındağı konsultativ sovetınıñ 11. utırışın ütkärä. Kön tärtibendä dürt mäsäläneñ ikesen genä äytäm. Berençe. Vladimir Putinnıñ III Bötendönya kongressı delegatları belän oçraşuı turında mäğlümät. İkençe. Rusiä xökümäte räise Kasyanov häm federal' milli-mädäni möxtariätlär räisläre belän oçraşuına äzerlek mäsäläläre.
XS
SM
MD
LG