Kötelgän kön kilep tä citte. 9 oktäber könne böten Rusiädä xalıq sanın isäpkä alu başlandı. 16 oktäbergä xätle härkemneñ öenä maxsus tamğa taqqan, qullarına Qazannıñ İskoj şirkätendä tegelgän maxsus sumka totqan keşelär kerep, «Sez kem?», «Sezgä niçä yäş?», «Fatirığız nindi?», «Nindi aqçağa yäşisez?» häm başqa şundıy sorawlar birep, töpçenep, «perepisnoy list» dip atalğan maxsus qäğäzlärgä cawaplar yazıp yöriäçäk. Bu ğadi statistik çaranıñ säyäsi häm milli ähämiäte dä bar. Keşelär mul yäşime, alarğa nindi mädäniät, mäğrifät mömkinlekläre kiräk, Rusiädä toruçılarnıñ fatir häm, ğomümän, matdi tormışı nindi, digän sorawlarnıñ xäzerge Rusiä xaqimiäteneñ eşçänlege häm plannarı öçen ähämiäte bik zur.
Sişämbe könne, Mäskäwdä, Rusiä xökümäte utırğan Aq yortta törle millät wäkilläre qatnaşqan ber cıyılışta statistika komitetı wäkile Lyudmila Zarubina çığış yasağan. Ul yäşäw häm barıp yörü öçen qatlawlı töbäklärdä xalıq sanın alu aldan uq başlanuı turında äytkän. Xäzer inde berniçä yöz meñ keşe sanalğan ikän. Xalıq sanın isäpkä alğanda can isäbe genä tügel, matdi, sotsial' häm ruxi tormış ta bilgelänä. Rusiä külämendä can isäptä 400 yöz meñläp keşe qatnaşa, yäğni waqıtlıça kontrakt buyınça sanawçı bulıp eşli. Menä şuşı sanawçılar, sanalğan här keşe cawapları buyınça tutırılğan qäğäzlärdäge mäğlümätne kompyuterlarğa kertüçelär Rusiäneñ közgesendä nindi çağılış buluın iñ berençelärdän küräçäklär.
Sişämbe könne, Mäskäwdä, Rusiä xökümäte utırğan Aq yortta törle millät wäkilläre qatnaşqan ber cıyılışta statistika komitetı wäkile Lyudmila Zarubina çığış yasağan. Ul yäşäw häm barıp yörü öçen qatlawlı töbäklärdä xalıq sanın alu aldan uq başlanuı turında äytkän. Xäzer inde berniçä yöz meñ keşe sanalğan ikän. Xalıq sanın isäpkä alğanda can isäbe genä tügel, matdi, sotsial' häm ruxi tormış ta bilgelänä. Rusiä külämendä can isäptä 400 yöz meñläp keşe qatnaşa, yäğni waqıtlıça kontrakt buyınça sanawçı bulıp eşli. Menä şuşı sanawçılar, sanalğan här keşe cawapları buyınça tutırılğan qäğäzlärdäge mäğlümätne kompyuterlarğa kertüçelär Rusiäneñ közgesendä nindi çağılış buluın iñ berençelärdän küräçäklär.