Accessibility links

пәнҗешәмбе, 8 декабрь 2016, Казан вакыты 07:15

…san aluçılar “Tuğan telegez nindi?” digän soraw birergä tieş


…san aluçılar “Tuğan telegez nindi?” digän soraw birergä tieş

Xalıq sanın isäpkä alu kampaniäseneñ respublika ştabı “qaynar liniäse”ndä moña şulay dip cawap birdelär. “Какими иными языками владеете?” digän yäğni “Başqa nindi tellär beläsez?” digän punktnıñ berençe yulına keşeneñ tuğan tele yazılırğa tieş ikän. Häm şuşı berençe grafağa keşeneñ näq menä tuğan telen yazıp quyu öçen xisap aluçı “Sezneñ tuğan telegez nindi” digän östämä soraw birergä tieş. Bu anketalarğa östämä añlatmalar da bar ikän. Läkin xalıq sanın isäpkä aluçılarğa, perepisçiklarğa tieşle däräcädä instruktaj birelgänme häm monı barlıq perepisçiklar da ütime? – monısı şulay ber qarañğı bulıp qalğan, küräseñ. Şulay itep, perepisçik, yäğni xalıq sanın isäpkä aluçı näq menä Vladimir Putinğa birgänçä, bezneñ här berebezgä “Ваш родной язык” yä bulmasa tatarça “Sezneñ tuğan telegez” digän soraw birergä tieş häm bu “Иные языки” digän yullarnıñ berençesenä yazıp quyılırğa tieş.

Ä menä Başqortostanda xalıq sanın aluçılar, perepisçiklar, küräseñ, maxsus östämä instruktajlar da alğannar. Başqortostannıñ Tatar ictimaği üzäge räise Başqortostanda Şaran, Çaqmağış raoynnarında millät turında grafanı buş qaldıruları, yä bulmasa, bötenläy keşeneñ barlıq mäğlümatların däftärgä genä yazıp çığıp kitü ğamälläre bar dip xäbär itte. Stärletamaqta, Ufada keşelärne başqort dip yazılırğa öndäw yä bulmasa, “başqortça beläseñme” dip sorap, “beläm” digäç, başqort telen tuğan tele grafasına yazıp quyu oçraqları turında faktlar kiterelä.

9 oktäber -- Bötenrusiä xalıq sanın alunıñ berençe könendä Tatarstan citäkçeläre Rusiä citäkçelärennän ayırmalıraq, xalıq sanın alu anketalarına statsionar punktlarğa kilep cawap birdelär. Tatarstannıñ barlıq televizion kanalları da şulay Däwlät Şurası räise Färit Möxämmätşinnıñ Qazan üzägendäge statsionar punktqa kilep, anketadağı sorawlarğa cawap birde. Xäbärlärdä başqa citäkçelär dä şulay uq anketalarnı statsionar punktlarğa kilep tutırırğa cıyınalar, dip xäbär itelde.
XS
SM
MD
LG