Accessibility links

Кайнар хәбәр

Şäymievlär sınatmıy


Şäymievlär sınatmıy

Tatarstanda tağın ber yaña Yevropa çempionı buldı. Ul avtomobil' yarışlarında cinep çıqqan Ayrat Şäymiev. Küptän tügel Portuğaliädä uzğan abruylı avtomobil' uzışlarında bertuğan Şäymievlär beryulı ike ciñü yauladılar. Radik isä öçençe urınğa çığıp bronza medale aldı. Bu ike tuğannıñ avtomobil' uzışları belän mawığuın qayberäwlär soqlanıp, qayberäwlär «baylar ni genä qılanmıy» dip tä qabul itälär. Häm ägärdä başqa töbäk citäkçeseneñ ulları Yevropa çempionı, wä prizerı bulsalar şaw-gör kilerlär ide. Läkin Tatarstan mäğlümät çaraları bu waqiğanı ällä üzläre belep, ällä kemneñder äytüen tıñlap, bik ğadi genä yaqtırtıp uzdılar.

Yomğaqlap şunı äytergä kiräk: Yevropa çempionatı ul yuğarı däräcädäge yarışlar häm monda ciñüçelärne familiälärenä qarap bilgelämilär. Anda ciñär öçen küp tir tügärgä, köräşergä, ä inde avtomobil' yarışlarında bik täwäkäl häm batır yöräkle bulırğa da kiräk. Bäs, şulay ikän -- soqlanıp «Buldırğansız!» dip äytergä kiräk andıy yegetlärgä.

Damir Ğismetdin
XS
SM
MD
LG