Accessibility links

якшәмбе, 4 декабрь 2016, Казан вакыты 15:21

Qazanda bötenrusiä kiñäşmäläre uza


Qazanda bötenrusiä kiñäşmäläre uza

Köndälek räsmi xäbärlärneñ berençe yullarında -- Tatarstan premyer-ministrı urınbasarı Zilä Wälievanı respublikanıñ Maqtaw gramotası belän büläklänüe. Räsmi xäbärlärdä şulay uq premyer-ministr urınbasarınıñ ğädäti eş köne ütkärüe, anıñ Qazanda sişämbe könne başlanıp kitkän “Tän sälämätlegen häm sportnı sotsial' mäğnäsen arttıru yulları” digän bötenrusiä fänni-gämäli konfrensiä alıp baruı turında äytelä. Älege konferensiädä Rusiäneñ 21 töbägennän 250 wäkil qatnaşa.

Konferensiädä berençe köndä yasalğan töp dokladlarda Tatarstanda fizik tärbiä, tän sälämätlege tärbiäläwgä daimi iğtibar itelüe, bigräk tä hönäri sporttağı uñışlar bilgeläp ütelde. Mäsälän, xäzerge waqıtta respublikanıñ 16 sport komandası super häm iñ yuğarı ligalarda çığış yasıy. Şul uq waqıtta fizik tärbiä häm sportnıñ xäzerge zamanda bay, xälle keşelärgä genä mömkinçelege, bigräk tä yäşlär arasında fizik künegülär, sport populyar bulmawı häm şul säbäple 15-17 yäşendäge yäşüsmerlärneñ sälämätlege tübän däräcädä buluı, alar arasında xastalar, zäğiflär yıldan yıl arta baruı tanıldı.

Räsmi xäbärlärdä şulay uq Qazanda tağın ber bötenrusiä külämendäge kiñäşmä ütkärelüe turında xäbär itelde. Bu kiñäşmädä yul iminlege, transport xäräkätenen oyıştıru, küzätü öçen cawaplı xezmätkärlär cıyıla. Şunısı qızıq, kübesençä GAİ, yäğni Däwlät avtoinspeksiäse xezmätkärläre kiñäşmäsendä qatnaşuçılarğa Kama aşa küper açu tantanasına baru qaralğan. 18 oktäbergä bilgelängän küptän kötelgän bu waqiğağa inde xäzer ük äzerlänä başladılar. Şuşı könnärdä küper qarşına Çistay säğät zavodında eşlängän diametrı 1 metr zurlığında säğät elenäçäk. Bu uñaydan Qazannan 100 çaqrımda ğına urnaşqan, ämma Kama kiçüendä säğätlär tügel, täwleklär ütkärgän Çistay xalqı şatlığın, quanıçın belderä.
XS
SM
MD
LG