Accessibility links

якшәмбе, 4 декабрь 2016, Казан вакыты 19:22

Şamil Tarpişçev Rusiäneñ iñ zur tennis turnirın Qazanda ütkärergä täqdim itä


Şamil Tarpişçev Rusiäneñ iñ zur tennis turnirın Qazanda ütkärergä täqdim itä

Sişämbe könne Qazan kremlendä Tatarstan prezidentı Mintimer Şäymiev Bötenrusiä tennis assotsiätsiäse prezidentı Şamil Tarpişçev belän oçraştı. Oçraşu waqıtında süz respublikada massaküläm sport törläreneñ xäle, alarnı üsterü, balalar öçen sport mäktäplären açu, tatarstanlılarnı sälämät tormışqa cälep itü çaraları, başqa fizik kultura häm sport problemaları turında bardı. Oçraşuda qatnaşuçılar tarafınnan şaqtıy ğına qızıqlı fikerlär dä äytelde. Mäsälän, Şamil Tarpişçev Tatarstanda tennisnı töp sport töre itü niäten belderde. Şuşı niättän Qazanda zamança tennis üzäge dä tözelergä tieş. Şulay uq ul Kreml Kubogına ütä torğan yarışlarnı 2005 yılda Qazanda ütkärergä täqdim itte. Mintimer Şäymiev belän oçraşudan soñ äytelgän Şamil äfändeneñ süzlärenä qarağanda, Tatarstan prezidentı Tarpişçevnıñ bu fikeren xuplıy ikän.
XS
SM
MD
LG