Accessibility links

шимбә, 10 декабрь 2016, Казан вакыты 08:04

Xalıq sanın alu tämäm -- tikşerülär başlandı


Xalıq sanın alu tämäm -- tikşerülär başlandı

Şulay itep, böten Rusiägä sibelgän tatar xalqın berniçä aylar kierenkelektä totqan xalıq sanın isäpkä alu aksiäse ütte. Äle tağın 5 kön xalıq sanın isäpkä alu oyışmaları, xezmätkärläre, bülekçäläre eşläyäçäk. Perepisçiklar, yäğni isäpläwçelär saylap alıp, här unınçı soraşıluçı belän elemtägä kerep, anketanı tağın ber tikşerep, döres tutırılğanmı-yuqmı ikänen açıqlayaçaq. Tatarstanda bu xalıq sanın isäpkä alu aksiäse nindi şartlarda bardı soñ?

“Azatlıq” radiosı här xäbärendä wäzğıätne söyläp barırğa tırıştı. Nindider säyäsi säbäplärdän bu kampaniägä qarşılıq aksiäläre bulmadı. Bigräk tä şähär xalqı sotsial' tormış problemaların çişü öçen bu wäzğıät belän faydalanıp qalırğa tırıştı. Şähär tiräsendäge bistälär yağulıq gazı kertüne häm başqa kommunal' problemalar çişeleşen taläp itep xalıq sanın aluğa baykot iğlan itü ğämälläre buldı. Tatarstanda xalıq sanın alu barışın küzätüçelär dä şaqtıy buldı. Berençe çiratta, älbättä, federal' üzäk oyışmaları wäkilläre şulay İdelbuyı federal' okrugınıñ Qazandağı ictimaği qabul itü bülegenä Tatarstannıñ Alabuğa rayonında keräşen tatarlarına “keräşen” dip yazılırğa qomaçawlıylar digän şiqäyät kilde.
XS
SM
MD
LG