İnde xäbär itkänebezçä, Tatarstan hönärçelär berlege federatsiäse dä “Layıqlı xezmät xaqı öçen” digän gomumrusiä qarşılıq aksiäsenä quşıldı. Säbäpläre mäğlüm, Tatarstanda da soñğı waqıtta iqtisad üseşe tuqtağan. İdelbuyı respublikaları, ölkäläre arasında Tatarstan xezmät xaqı waqıtında tülämäwçelär isemlegeneñ berençe yullarına meñgän. Respublikada 245 meñ xezmätkär, eş belän mäşgül bulğannarnıñ här bişençese waqıtında xezmät xaqın ala almıy. Şul uq waqıtta Tatarstanda toraq-kommunal' xezmät bäyäläre häm tarifları 30% artqan, ä xalıqnıñ keremnäre barı tik 25% artqan. Şuña kürä Tatarstan hönärçelär berlege wäkilläre dä 17 oktäber könne Qazannıñ Üzäk yal parkı qarşındağı mäydanğa cıyıldı. Şuşı mitingqa kilgän ximiä sänäğäteneñ hönärçelär berlege räise Rawil Mäwleqov söyli:
Respublikada ximiä sänäğäte alğa kitkän tarmaq dip sanalsa da, bu ğamäldä alay tügel. Xezmät xaqın waqıtında tülämäw oçraqları küp. Ğomumän respublikada da iqtisadi reformalar Rusiädäge kebek ük aqsıy. Östän çit illärdän investitsiälär cälep itärgä digän kürsätmälär kilä, ä şul uq waqıtta respublikadan çit illärgä millionlagan dollar kitüenä yul quyıla. Büdjettan xalıqnı sälämätländerügä, sportqa cälep itü çaralarına ber tien dä birelmi. Şuña kürä hönärçelär berlege iqtisadi reformalarnıñ çınlap torıp xalıqnıñ tormış däräcäsen kütärügä yünälderelüen taläp itä.
Yunıs Ätnäle
Respublikada ximiä sänäğäte alğa kitkän tarmaq dip sanalsa da, bu ğamäldä alay tügel. Xezmät xaqın waqıtında tülämäw oçraqları küp. Ğomumän respublikada da iqtisadi reformalar Rusiädäge kebek ük aqsıy. Östän çit illärdän investitsiälär cälep itärgä digän kürsätmälär kilä, ä şul uq waqıtta respublikadan çit illärgä millionlagan dollar kitüenä yul quyıla. Büdjettan xalıqnı sälämätländerügä, sportqa cälep itü çaralarına ber tien dä birelmi. Şuña kürä hönärçelär berlege iqtisadi reformalarnıñ çınlap torıp xalıqnıñ tormış däräcäsen kütärügä yünälderelüen taläp itä.
Yunıs Ätnäle