Accessibility links

Кайнар хәбәр

Färit Möxämmätşin yänä Strasburgka cıyına


Färit Möxämmätşin yänä Strasburgka cıyına

Färit Möxämmätşin Yevropa Şurasınıñ töbäklär buyınça maxsus idärä utırışında qatnaştı. Bu turıda sezgä xäbär itelde. Ämmä, berqayda da xäbär itelmägän närsälär dä bar. Färit Möxämmätşin Tatarstannıñ Konstitutsiäsen Yevropa Şurasınıñ belgeçlärenä kürsätkän. Annan soñ nindi üzgäreşlär bulır soñ? Yevropa belgeçläre Konstitutsiä tekstında xalıqara standartlarğa qarşı kilgän mätdälär tapmağan. Şulay bulğaç, anı nigä üzgärtergä? Ä bälki üzgärtmäskäder? Yuq şul, Mäskäw ağay, xättä respublika Konstitutsiäsen xalıqara oyışmalarğa kürsätüne dä xilaf dip sanıy ikän.

Färit Möxämmätşin Vladimir Putin administratsiäse wäkile Dmitriy Kozakka üz säyäxäteneñ zakonlı buluın äytkän. Yevropa Şurasınıñ üzidärä häm töbäklär komissiäsenä Tatarstan häm başqa töbäk wäkilläre Rusiä qanunnarı häm Prezident ukazı nigezendä cibärelgän. Dimäk, niçek tä, Mäskäw Kremlen Rusiä qanunnarın xörmät itärgä çaqırırğa turı kilä. İnde xäzer Färit Möxämmätşin yañadan Strasburgka kitäçäk ikän. Bu yulı ul Dmitriy Kozak belän bergä şul uq wäqälätlärne, Konstitutsiäne tikşertergä tieş bula. Bälki Tatarstan qanunnarın Rusiänekenä täñgälläştergän kebek, Rusiäneken xalıqara xoquq standartlarına turı kiterü häm alarnı ütäw mäsäläse iñ berençe planğa çığar.
XS
SM
MD
LG