Accessibility links

шимбә, 3 декабрь 2016, Казан вакыты 14:50

Tatarstan citäkçeläre Törkiäneñ Qazandağı konsulın qabul itte


Tatarstan citäkçeläre Törkiäneñ Qazandağı konsulın qabul itte

Sişämbe könne Qazanda prezident Mintimer Şäymiev Törkiä Respublikasınıñ Qazanda general' konsulı İsmäil Safa Yudcärne qabul itte. Törkiäneñ Tatarstandağı öçençe general' konsulı 1 üktäberdän wazifalarına kereşkän ide. Tatarstannıñ yuğarı citäkçelege yalda yäisä eş belän başqa töbäklärdä bulu säbäple İsmail Safa Yudcär belän oçraşa almadılar. Däwlät Şurası räise Färit Möxämmätşin başta Mäskäwdä, annan Strastburgta eşlekle säfärdä bulu säbäple Törkiä konsulın şulay uq uzğan düşämbedä qabul itte. Tatarstan citäkçelege belän Törkiä general' konsulı oçraşuı barışında Qazanda Törkiäneñ diplomatiä wäkilçelegen buldırğannan soñ bu ike il arasında eşlekle xezmättäşlekne üsterügä uñay täesir itüe bilgeläp ütelde. Tatarstan Törkiä belän Rusiä Federatsiäse arasında mönäsäbätlär üseşeneñ üzençä ber küpere buldı, dide Färit Möxämmätşin. Törkiä konsulı üz çiratında küp kenä Törkiä şirkätläreneñ Qazannı üzgärtep qoru, yañartuda qatnaşuına qänäğätlänü belderde. Ul şulay uq tizdän Törkiägä Tatarstan nefte kilä başlar, digän ışanıç ta belderde, dip xäbär itte räsmi mäğlümat çaraları.
XS
SM
MD
LG