Accessibility links

шимбә, 3 декабрь 2016, Казан вакыты 18:39

Rusiä ministrı Tatarstan häm Başqortostanda xalıq sanın alu näticälären qabat tikşerergä teli


Rusiä ministrı Tatarstan häm Başqortostanda xalıq sanın alu näticälären qabat tikşerergä teli

Räsmi mäğlümat çaralarında Tatarstanda xalıq sanın isäpkä alunıñ yomğaqlaw etabı tämämlanuwına berniqädär näticä yasaw da bar. Däwlät statistika komitetı citäkçelege bu kampaniä respublikada tulayım uñışlı uzdı dip sanıy. Bar xalıqnıñ 90% çaması isäpkä alınğan. Bar Rusiädä kebek ük xalıq sanın isäpkä alu näticäläre buyınça Tatarstanda da millätlär isäbe artır dip farazlana. Çönki skiflar, sarmatlar, qazaqlar, bolğarlar, mişärlär, keräşennär dip yazıluçılar respublikada da baytaq ikän.

Ä menä Rusiäneñ milli säyäsät ministrı Vladimir Zorin Tatarstanda häm Başqortostanda xalıq sanın isäpkä alu näticäläre tağın ber tapqır tikşereläçäk, dip beldergän. Anıñ süzlärençä, Başqortostanda häm Tatarstanda millät grafasın tutırğanda, isäpkä aluçılarğa basım oçraqları küzätelgän. Şulay itep, Rusiäneñ milli säyäsäte başlığı tatarlar häm başqortlar öçen bu mäsälädä tağın ber östämä, sınaw, imtixan yasarğa niätli.
XS
SM
MD
LG