Accessibility links

шимбә, 3 декабрь 2016, Казан вакыты 05:41

Vil Mirzayanov Qazanğa kilep citä almadı


Vil Mirzayanov Qazanğa kilep citä almadı

İnde xäbär ikänebezçä, Qazanğa sişämbe kiçendä Amerikadan ğalim Vil Mirzayanov kilergä tieş ide. Şaqtıydan birle anıñ yaña kitabın täqdir itü häm ğalimneñ tatar zıyalıları belän oçraşu turında xäbärlär yörde. Läkin sişämbe kiçen Vil äfändene qarşılarğa dip Qazan aeroportına kilüçelär, tanılğan ğalimne kürä almıyça kire qaytıp kitärgä mäcbür buldılar. Çönki oçqıçtan töşkän Vil Mirzayanov häm anıñ xatını Gale Colby Mirzayan çik saqçıları tarafınnan totqarlanğannar. Närsä soñ bu, añlaşılmawçanlıqmı ällä maxsus eşlänelgän eşme? Alarnı qarşı alırğa barğan Tatar ictimağıy üzäge citäkçelege, ğalimnär häm tatar zıyalıları çik saqçıları wäkilläre belän oçraşqannar. İnsidentnıñ säbäplären alar niçek añlatqan soñ?

Tatar ictimağıy üzäge taratqan belderüdä bu xaqta menä närsälär äytelä. Qunaqlar Amerikadan Mäskäwdäge ber turistik firma çaqıruı buyınça viza alğannar. Totqarlawçılarnıñ äytüenä qarağanda, Mirzayanovlar başta Mäskäwdäge şul firmağa barıp terkälergä, annarı soñ ğına Qazanğa qaytırğa tieş bulğannar. Şunı säbäp itep, alarnı kire Germaniägä (alar Amerikadan Germaniä aşa kilälär) oçarğa mäcbür ittelär. Bik zur tırışlıqlardan soñ, bezgä totqınnar belän küreşergä nasıyp buldı. Vil äfände häm Gale Colby xanım, Rusiä cirendä mondıy xällärne küp kürgän keşelär bularaq, bik borçılmağannar kebek toyıldı. «Bez Qazanda bilgelängän çaralarnı özmibez, 24 üktäberdä Qazan milli mädäni üzägendä uzaçaq «Vızov» kitabın täqdir itügä, 25-dä Kamal teatrında oçraşuğa böten cir şarın äylänep bulsa da kilep citäçäkbez. Bezne anda duslar, tuğannar kötä», didelär alar, dip äytelä Bötentatar ictimağıy üzägeneñ çärşämbe, 23 üktäber könne taratqan belderüendä. Älegä bu waqiğa turında östämä mäğlümät bulmadı. Xäyer, kötergä inde küp qalmadı. Bu eşneñ niçek tämamlanuın bez sezgä kiläse tapşırularda xäbär itärbez.
XS
SM
MD
LG