Accessibility links

сишәмбе, 6 декабрь 2016, Казан вакыты 11:16

Aydar Xälim Çallı xastäxänäsendä däwalana


Aydar Xälim Çallı xastäxänäsendä däwalana

Üktäber başında şağir häm publitsist Aydar Xälim Ufada bilgesez xuligannar tarafınnan qıynalğannan soñ, Çallığa qaytıp xastäxänädä däwalana. Bu qıynawnıñ ni öçen häm kem tarafınnan oyıştırıluı xäzergä bilgesez. Şunısı bilgele, küptän tügel Aydar Xälimneñ Başqortostan tatarlarınıñ kisken problemaları turındağı kitap basılıp çıqqan ide. Ufada çağında ul şuşı kitap belän tanıştırıp, milli cämäğätçelek belän oçraşıp uramğa çıqqaç, aña qara bitleklär kigän irlär höcüm itkännär. Şuşı insidenttan soñ, Aydar Xälim Ufada militsiägä möräcäğät itmiçä, tizräk Başqortostannan çığıp kitkän. Radiotıñlawçılarıbız älege serle oçraqnıñ däwamı häm Aydar Xälimneñ nindi xäldä buluı turında sorap, Azatlıq radiosına möräcäğät ittelär. Bez Çallı xastäxänälärneñ bersenä şaltıratıp, bilgele yazuçı häm millätçeneñ xälen beleştek. Ul menä närsälär äytte:

Min xäzerge waqıtta Çallı xastäxänäsendä däwalanam. Xällärem inde caylanıp kilä. Läkin tabiblar äle haman urın östendä yatarğa quşa. Minem öç qabırğam sınğan, böerlärgä qan sawğan. Läkin urın östendä yatsam da, min üzemne millät belän bergä toyam. Bu minem öçen bik küñelle küreneş. Mine Ufada qıynağannan soñ uq militsiägä bara almadım. Çönki kiç ide, maşinanı tözätergä, qunarğa urın ezlärgä kiräk ide. Şuña kürä, açqıçnı tabıp, tişelgän köpçäklärne yasap, bez kire Çallığa qaytırğa çıqtıq. Bu Başqortostanda bulğan waqiğanı min äle bolay ğına qaldırmayaçaqmın.
XS
SM
MD
LG