Accessibility links

якшәмбе, 4 декабрь 2016, Казан вакыты 00:59

Mäskäwdä totıqlar alınu säbäple Tatarstanda iminlek çaraları köçäytelä


Mäskäwdä totıqlar alınu säbäple Tatarstanda iminlek çaraları köçäytelä

Mäskäwdä totıqlar aluğa qarata Tatarstanda da qüät ministrlıqları çaralar kürä. Pänceşämbe könne respublikanıñ eçke eşlär ministrlığı aşığıç kiñäşmä ütkärde. Anda Tatarstanda iminlek çaraların köçäytü turında qarar qabul itelde. Tatarstan militsiäse xezmät rejimın köçäytte. Yağni, barlıq militsiä xezmätkärläre dä eş urınnarında. Eçke eşlär ministrlığı barlıq xalıq cıyıla torğan çara-tamaşalar urınnarın maxsus küzätü astına ala. Mondıy urınnarda grajdannarnı, şul isäptän xatın-qızlarnı da tikşerü çaraları küreläçäk, dip kisätä eçke eşlär ministrlığı. Teatrlarda, konsert zallarında, mädäniät yortlarında saqçılar kizüe köçäyteläçäk. Aeroportlar, vokzallar häm başqa şundıy möhim däwlät obyektları iminlegenä ayırım iğtibar iteläçäk, dielä räsmi xäbärdä.
XS
SM
MD
LG