Accessibility links

якшәмбе, 4 декабрь 2016, Казан вакыты 04:59

Vil Mirzayanov Qazannan borıp cibärelügä qaramastan BTİÜ anıñ “Вызов” kitabın täqdir itergä cıyına


Vil Mirzayanov Qazannan borıp cibärelügä qaramastan BTİÜ anıñ “Вызов” kitabın täqdir itergä cıyına

İctimaği üzäk citäkçelege belän Mäskäw xälläre turında söyläşkän waqıtta Vil Mirzayanovnıñ Qazanğa kilü-kilmäwe häm şuşı uñaydan ütkäreläçäk çaralarnıñ yazmışı da täğäyenlände. Mäğlüm ki, Amerikada yäşäwçe tanılğan cämäğät eşleklese Vil Mirzayanov 22 üktäberdä Qazan hawa qırına kilep töşkäç, çiktän uzdırılmadı häm ikençe könne kire borıldı. Qazan aeroportı çik sağı kontrole citäkçelege irle-xatınlı Mirzayanovlar Rusiä Federatsiäsenä kerü häm çığu qanunınıñ 26-nçı maddäseneñ 3-nçe bülegen bozğannar dip sanıy. Yäğni, alar Rusiägä kilüläreneñ maqsatı itep turizm kürsätkännär, ä ğamäldä eş buyınça nindider çaralar ütkärergä kilgännär. Vil Mirzayanovnı häm anıñ xatının Qazan hawa qırına qarşılarğa kilgän TİÜ wäkilläre çik saqçıların bik ozaq “nigä alay, nigä bolay” dip bitärlägäç, alar ğäyre räsmi itep, “bez şundıy färman aldıq” dip äytergä mäcbür bulğannar. Şulay itep, Vil Mirzayanov Qazanğa kilep citä almadı. Pänceşämbe könne ictimaği üzäk räise Räşit Yägäfärov Qazan milli-mädäni üzägendä 24 üktäbergä bilgelängän “Вызов” kitabın täqdir itü kiçäse bulaçaq, anda inde keşelär çaqırılğan, çarağa äzerlek eşläre başqarılğan dip belderde.

Yunıs Ätnäle
XS
SM
MD
LG