Accessibility links

сишәмбе, 6 декабрь 2016, Казан вакыты 15:19

Qazan tamğasına konkurs bara


Qazan tamğasına konkurs bara

Pänceşämbedä “Qazan” milli-mädäniäte üzägendä ike çara uzdı. Berençese - başqalabıznıñ 1000-yıllığına bağışlanğan tamğa-simvol ürnäkläre konkursına yomğaq yasawğa bäyle ide. Jüri häm ekspertlar xozurına balalardan ğına da yözlägän räsem täqdim itelgän. Ä baliğlar 79 ürnäk yasağannar. Şuşı uñaydan jurnalistlar öçen uzdırılğan press-konferensiä bülmäsendä räsemnär quyılğan ide.

Berençe qaraşqa, balalar yasağan simvollarda fantaziä kübräk häm alar mäğnäleräk kebek ide. Şular arasınnan saylanğan altı räsem büläklärgä layıq bulğan. Läkin eşne cidti dip sanap, ciñüçelärne olılar arasınnan saylarğa cıyınalar. Jüri äğzaları häm ekspertlar zur yubileynıñ töp tamğasın yasawğa bağışlanğan konkursnı tağın ike ayğa ozaytırğa qarar qılğannar. Çönki iñ yaxşı simvol äle tabılmağan. Press-konferensiädä jurnalistlar, millätlärenä qarap, tamğalarda nik islam, nik xristian komponetları yuq digän sorawlar quydılar. Rässamnar häm dizaynerlar täqdim itkän ürnäklärdä yışraq ajdaha-yılan süräte törle variantlarda töşerelgän ide.
XS
SM
MD
LG