Mäskäwdäge podşipnik zavodı mädäniät yortındağı totıqlar azat itelgännän soñ Tatarstandağı säyäsi wäzğıät älläni üzgärmäde. Elegräk bälägä olaqqan 700 keşeneñ yazmışı borçısa, xäzer ğomumän, tormış üze qurqınıç bulıp kürenä başladı. Küräseñ, bu Kavkaz häm Mäskäw suğışlarında ciñelüçelär bar, ä ciñüçelär yuqtır. Yarıy, Allağa şöker, ul “Nord-Ost” spektakle barğan bina kükkä oçmadı, digän yuanıç bar. Ämma kemgä yuanıç, kemgä – qayğı, digän täesir qala.
Xäzer Tatarstannı törleçä ğäyepläw, adım sayın millätçelek ezläw modağa kerde. “Efir” telekompaniäse yäkşämbe kiçendä Mäskäwdäge terrorçılar myuzikl qarawçılarnı totıq itep alğannan soñ qayber säyäsätçelär häm cämäğät eşlekleläre yasağan belderülärne yañadan kürsättelär. İñ berençe çiratta Tatarstan telekanalında çığış yasağan citäkçelär häm säyäsätçelär turında äytelde. Färit Möxämmätşin, Däwlät Şurası räise bolay digän. “Çeçnyadağı suğışnı tuqtatu teläge köçle bulsa da, bu qädär sandağı keşene totıq itep alu aqlanmıy häm döres tügel”. “Respublika” programmasın alıp baruçı monda Färit Möxämmätşinnıñ nindider ğäyeben kürä. Aña säyäsätçeneñ “bu qadär sandağı” digän süzläre oşamağan. Yänäse “ägärdä, 30-50 keşene totıq itep alsalar, äybät bulır ideme?” dip sorıy Kuzmin digän jurnalist. Ayırım süzgä bäylänü häm şul süzne eläkläw 1937 yıllardan uq modağa kergän. Bu tapşıruda İrek Mortazin, Rafail Xäkimov, Zölfät Xäkim, Rinat Nurğali süzlärendä çeçennarnıñ aqtıq çikkä barıp citkän buluı, alarnıñ körçekkä quıp kertelüe turıdağı fikerlär terrorizmnı yaqlaw, hiç yuğı, aqlaw ğämäle dip kürsätelä.
Xäzer Tatarstannı törleçä ğäyepläw, adım sayın millätçelek ezläw modağa kerde. “Efir” telekompaniäse yäkşämbe kiçendä Mäskäwdäge terrorçılar myuzikl qarawçılarnı totıq itep alğannan soñ qayber säyäsätçelär häm cämäğät eşlekleläre yasağan belderülärne yañadan kürsättelär. İñ berençe çiratta Tatarstan telekanalında çığış yasağan citäkçelär häm säyäsätçelär turında äytelde. Färit Möxämmätşin, Däwlät Şurası räise bolay digän. “Çeçnyadağı suğışnı tuqtatu teläge köçle bulsa da, bu qädär sandağı keşene totıq itep alu aqlanmıy häm döres tügel”. “Respublika” programmasın alıp baruçı monda Färit Möxämmätşinnıñ nindider ğäyeben kürä. Aña säyäsätçeneñ “bu qadär sandağı” digän süzläre oşamağan. Yänäse “ägärdä, 30-50 keşene totıq itep alsalar, äybät bulır ideme?” dip sorıy Kuzmin digän jurnalist. Ayırım süzgä bäylänü häm şul süzne eläkläw 1937 yıllardan uq modağa kergän. Bu tapşıruda İrek Mortazin, Rafail Xäkimov, Zölfät Xäkim, Rinat Nurğali süzlärendä çeçennarnıñ aqtıq çikkä barıp citkän buluı, alarnıñ körçekkä quıp kertelüe turıdağı fikerlär terrorizmnı yaqlaw, hiç yuğı, aqlaw ğämäle dip kürsätelä.