Accessibility links

сишәмбе, 6 декабрь 2016, Казан вакыты 08:51

Färit Nogmanov haman nuja çigä


Färit Nogmanov haman nuja çigä

Andıylar xäzer Tatarstanda da, başqa cirlärdä dä yış oçrıy. Irınbur ölkäseneñ Äsäkäy rayonında pravoslav çirkäwen möselman ziratında tözergä röxsät birgän administratsiä turında “Российская газета”da 20 yüldä yazılğan ide. Bu turıda “Azatlıq” radiosı berniçä qat söyläde. Ğadel bulmağan qırın eşne faş itkän jurnalist Färit Nogmanov eştän azat itelde häm älegä qädär ezärleklänä. Aña “vaxxabit” digän isem birelgäç, tormışı qıämätkä äylängän. Bügen bez aña şaltıratıp, Färit Nogmanovnıñ xastaxanädä yatıp çığuı häm rayon prokurorı Sergey Gnetov tarafınnan ezärleklänüe turında beldek.

Byurokratiä keşegä bitaraf bulsa da, aña qurqınıç möher suğarğa yärdäm itä ala ikän. Färit Nogmanov üzeneñ macaraları turında general' prokuraturağa yazğaç, bu xat yañadan rayon prokurorına qaytarılğan. Prokuror Gnetov bu xäl 2-3 tapqır qabatlanğaç, üze jurnalistnı 120 meñ sumlıq däğwa belän mäxkämägä birgän. Yänäse, aña yala yaqqannar. Döresen söylägän keşegä “vaxxabit” digän tamğa suqsañ, ul avtomatik räweştä yala yağuçığa äylänä ikän. Äsäkäy rayonındağı Färit Nogmanov xäzer üzeneñ xoquqın, möselmannar xoquqın, ğomumän keşe xoquqın yaqlawçığa äylänep bara. Awır waqıtta andıy keşelärgä kem yärdäm itä ala soñ? Färit Nogmanov Sarıtawdağı eşquar Kamil Äbläzovqa yärdäm sorap möräcäğät itkän bulğan. Tegese niçek tä yärdäm itärgä niätlänsä dä, xäzergä bernindi dä qızıqsınu belderüçe yuq.
XS
SM
MD
LG