Accessibility links

чәршәмбе, 7 декабрь 2016, Казан вакыты 11:39

«Qazan» milli-mädäni üzägendä Qasıym tatarları şäcärälärenä bağışlanğan kitapnı täqdir itü kiçäse ütte


«Qazan» milli-mädäni üzägendä Qasıym tatarları şäcärälärenä bağışlanğan kitapnı täqdir itü kiçäse ütte

Qasıymğa qağılışlı tağın ber xäbär. Çärşämbe kiçen «Qazan» milli-mädäni üzägendä Qasıym tatarları tarixına, alarnıñ şäcärälärenä bağışlanğan kiçä ütte. Şuşı xaqta tulıraq mäğlümät belän sezne «Qazan» milli-mädäni üzägeneñ xezmätkäre İndüsä Mingazova tanıştırır. AUDİO «Qazan» milli-mädäni üzägendä Qasıym tatarlarına bağışlanğan qızıq kiçä uzdı. Ul Qasıym tatarlarınnan bulğan, xäzer Mäskäwdä yäşägän Ğädel Belyaevneñ Qasıym tatarlarınıñ tarixına bağışlanğan al'bom-kitabın täqdir itügä bağışlanğan ide. Üzeneñ kitabında Ğädel äfände 80-gä yaqın çığışı belän Qasıymnan bulğan näsellärne barlıy, alarnıñ ber-berse belän bäyläneşen kürsätä. Bik qızıqlı şäcärälär kürep bula anda. Kiçädä Qazan häm Mäskäw ğalimnäre, belgeçlär qatnaştı. Şulay uq, kitapnıñ avtorı üze dä buldı. Sez «Qazan» milli-mädäni üzäge xezmätkäre İndüsä Mingazovanı tıñladığız.

«Yaña ğasır» radiosında «Mäydan» isemle programma açıla

Axırda — tağın ber yañalıq. 1 noyäberdän “Yaña ğasır” radiosında “Mäydan” dip atalğan yaña radiotapşırunı tıñlarğa mömkin bulaçaq. Tıñlawçılar anda härkönne, xätta yal könnären dä, 13 säğättän 16 säğätkä qädär tatar klassikası häm estradası ürnäklären, ädäbi kompozitsiälär, radiospektakllär tıñlıy alaçaqlar. “Mäydan” tapşıruınıñ töp yunäleşe – tatar milläte aldında torğan problemalarnı, tarixi, mädäni yañarışıbıznı yaqtırtu. Radiojurnalda tatarlarnıñ ğına tügel, ä Tatarstanda yäşäwçe başqa milli azçılıqlarnıñ milli yäşäyeş mäsäläläre turında da süz baraçaq. Älege tapşıru respublika xalqı öçen genä tügel, ä Tatarstannan çittä yäşäwçe millättäşlärebezgä dä atap eşlänä. Alar “Yaña ğasır“ radiosın sputnik antenna yäki İnternet aşa tıñlıy alalar.

«Azatlıq» radiosı öçen Tatarstan xäbärläre belän Qazannan Gölnaz İlgizär.
XS
SM
MD
LG