Accessibility links

шимбә, 10 декабрь 2016, Казан вакыты 17:41

Ägerce rayonı xaqimiäte başlığı Räfis Säyetovnıñ üterüneñ zakazçısı tabıldı


Ägerce rayonı xaqimiäte başlığı Räfis Säyetovnıñ üterüneñ zakazçısı tabıldı

Azatlıq radiosı Ägerce rayonı xaqimiäte başlığı Räfis Säyetovnıñ wäxşilärçä atıp üterüe xaqında berniçä tapqır xäbär itkän ide. Ni ğacäp, şuşı qatmarlı cinayätne bik tiz arada faş itä başladılar. Ällä üterelüçeneñ xaqimiät başlığı buluı, ällä killerlarnıñ telläre çişelüe arqasında xättä üterüneñ zakazçiğı da bilgele buldı. Häm ul qulğa da alındı.Comğa könne dönya kürgän Vostoçnıy ekspress gazetası xäbär itkänçä, Säyetovnı üterüçelär zakaznı Tatarstan Däwlät Sovetı deputatı Ägerceneñ elekkege xaqimiät başlığı Röstäm Zakirovtan alğannar. Ul Tatarstan Yuğarı mäxkämäse sanksiäse belän şuşı könnärdä qulğa alındı. Räfis Säyetov rayon xaqimiäte başlığı bulğaç ta, Ägercegedäge kriminalitet belän ayausız köräşä başlağan. Röstäm Zakirov zamanında tamır cibärgän mafioz strukturalar iske patronnıñ xäyer-fatixası belän suğış suqmağına çığalar. Näticädä berençe taymnı alar otalar. Läkin ikençe taym cinayätçelär faydasına bulmadı. Xäyer, äle ul tämämlanmağan. Mondıy eşlär yış qına zur kizänep yomşaq suğu belän dä betkäli. Mäğlüm ki, Tatarstan cirlegendä dä yallap keşe ütertülär bulğaladı. Tik alarnıñ kübese açılmadı häm bügen arxivlarda yatalar. Ä menä mondıy uñay näticä xoquq saqlaw oyışmalarınıñ oçraqlı ciñüeme, ällä çınnan da alarnıñ eşlärgä öyränep citüläreme - moña ber süz belän cawap birergä qıyın äle.
XS
SM
MD
LG