Accessibility links

җомга, 9 декабрь 2016, Казан вакыты 14:47

Tatarstanda tabiğät şartları yul qazalarına kiterde


Tatarstanda tabiğät şartları yul qazalarına kiterde

Ber kiçtä Qazan häm Tatarstan cirenä 13 millimetr külämdä yañğırlı qar töşte. Bu 13 millimetr digäne, älbättä, sinoptiklar häm awıl xucalığı belgeçläre ülçäme buyınça. Ä ğadi küz belän qarağanda, düşämbe irtäsendä uramğa çığuçılar sulı, cepşek qarğa batmıyça ber qaya da bara almadı. Maşina küçärlärenä citep torğan qar şulpasın yırıp yörü ciñel tügel. Şähärdäge çistartqıç maşinalar älege qarnı samosvallarğa töyäp şähär çitenä çığarırğa tırışsalar da, qayan ölgersennär inde.

Tabiğät şartları qatlawlanğanda maşina qazaları da çığıp tora. Apas rayonında avtomobil' yulı timer yul trassası belän kiseşkän urında 10 model' Jiguli avtomobile tovar poyızdına bärelgän. 3 säğätkä timer yul xäräkäte tuqtalıp torğan. Maşina yörtüçe – militsiä xezmätkäre Cihangirov häm 20 yäşlek passajir yäkşämbegä qarşı töndä kilep çıqqan şuşı avariädä häläk bulğannar.
XS
SM
MD
LG