Xäzer avtomobil' yullarında ğına tügel, säyäsi suqmaqlarda da, däwlät tözeleşendä dä bozlawıqlı çor. Tatarstannıñ Konstitutsiäsendä häm başqa qanunnarında täñgälsezleklärne niçek caylarğa, digän sorawğa cawap tabılmağan. Törle protestlar, protsedur ğämällär yärdämendä waqıt suzular, parlamentnı taratu, wäkälätlärne “sönnätläw” kebek imeş-mimeş, şik-şöbhälär zamanı. Tatarstan ğädättä mondıy çaralarnı aqıl belän ütkärep cibärä häm üz pozitsiäsen birmi. Bu yulı niçek bulır? Başqortostan prezidentı wazıyfası qısqartılıp, möstäqillektän waz kiçkän waqıtta, Tatarstan nindi yuldan barır? Qazan Kremle Mäskäw Kremlenä bireşmäskä tırışa.
Rusiä Yuğarı mäxqämäse Tatarstan xökümäteneñ strukturası turında Tatarstan Däwlät Sovetı qararında tögälsezlek tapqan. 2001 yılnıñ 11 sentäberendä xökümätneñ strukturası üzgärtelep, qayber ministrlıqlar taratılğan ide. Rusiä Yuğarı mäxqämäse menä şuşı qarar döres tügel, dip tapqan. Bu inde yuqqa çığarılğan mäğlümät ministrlığı häm başqa tarmaqlar kire tergezelä digänne añlatmıy. Xökümät strukturasın üzgärtü Däwlät Sovetı qararı buyınça tügel, ä qanun buyınça eşlänergä tieş ikän. Şuña kürä, kiläçäktä şuşı ğämällärne küz aldında totqan qanun qabul itelergä tieş. Şulay da, mondıy yulğa basqaç, Däwlät Şurası ğämälläre tikşerelep-tözätelep torğaç, möstäqillekneñ bik çikle ikänlege küzgä taşlana.
Rusiä Yuğarı mäxqämäse Tatarstan xökümäteneñ strukturası turında Tatarstan Däwlät Sovetı qararında tögälsezlek tapqan. 2001 yılnıñ 11 sentäberendä xökümätneñ strukturası üzgärtelep, qayber ministrlıqlar taratılğan ide. Rusiä Yuğarı mäxqämäse menä şuşı qarar döres tügel, dip tapqan. Bu inde yuqqa çığarılğan mäğlümät ministrlığı häm başqa tarmaqlar kire tergezelä digänne añlatmıy. Xökümät strukturasın üzgärtü Däwlät Sovetı qararı buyınça tügel, ä qanun buyınça eşlänergä tieş ikän. Şuña kürä, kiläçäktä şuşı ğämällärne küz aldında totqan qanun qabul itelergä tieş. Şulay da, mondıy yulğa basqaç, Däwlät Şurası ğämälläre tikşerelep-tözätelep torğaç, möstäqillekneñ bik çikle ikänlege küzgä taşlana.