Accessibility links

шимбә, 3 декабрь 2016, Казан вакыты 09:57

Mäskäwdä «Mir kul'tur Rossii» digän yaña gäcit çığa başladı


Mäskäwdä «Mir kul'tur Rossii» digän yaña gäcit çığa başladı

Rusiä xalqı Tatulıq häm kileşu bäyrämen dä ğädättägeçä bik äybät bäyräm itär. Bezneñ xalıq yal itärgä, bäyrämnär ütkärergä yarata bit ul. Läkin älegä Rusiädä xalıqlarnıñ tatulığı, ber-berse belän kileşep yäşäwe turında xıyallanırğa ğına qala. Bigräk tä soñğı waqıtta. Xäyer, bu xalıqnıñ üzennän genä dä tormıy inde. Yış qına ildä imin tormış bulsın öçen, barlıq xalıqlar da tınıç, tatu yäşäsen öçen citäkçelär dä şaqtıy öleş kertep, küp närsä äşlärgä tieş. Şunı iskä töşerepme, ällä başqa maqsatlardamı soñğı waqıtta Rusiä citäkçeläre dä bu ölkädä qayber ğämällär qıla başladılar. Menä, mäsälän, Mäskäwdä Rusiä xökümäte bulışlığında yaña — «Mir kul'tur Rossii» digän gäcit näşer itelä başladı. Ul Rusiädä yäşäwçe barlıq xalıqlarnıñ mädäniäte, ğoref-ğädätläre, dinnäre belän tanıştıruçı üz ölkäsendä berdän-ber, unikal' basma bulıp tora. Şuşı matbağa turında tulıraq mäğlümät alır öçen bez «Mir kul'tur Rossii» gäciteneñ baş möxärrire Rafael' Volkovqa möräcäğät ittek. «Azatlıq» radiosı tıñlawçılarına ul menä närsälär söyläde.

Soñğı waqıtta näşer itelä torğan basmalar keşeneñ milläte, anıñ milli problemaları turında bik az yazdılar. Bezneñ gäcit näq menä şuşı problemalarnı alğa quya. Gäcit ayğa ber çığa. Bez Rusiädä yäşäwçe xalıqlar, alarnıñ ğoref-ğädätläre, milli yäşäyeşläre, mädäniätläre turında yazabız. Bezneñ basmanı näşer itärgä Prezident xaqimiäte, Rusiäneñ federal' ministrı Vladimir Zorin yärdäm itälär. Bu inde soñğı waqıtta Rusiä citäkçelegeneñ milli problemalarğa qarata qaraşlarınıñ uñay yaqqa üzgärüen kürsätä.
XS
SM
MD
LG