Accessibility links

чәршәмбе, 7 декабрь 2016, Казан вакыты 13:43

«Mäğärif» näşriätendä latin imlasında Fänis Yarullinnıñ «Sanduğaç oyası» dip atalğan xikäyälär cıyıntığı çıqtı


«Mäğärif» näşriätendä latin imlasında Fänis Yarullinnıñ «Sanduğaç oyası» dip atalğan xikäyälär cıyıntığı çıqtı

Küptän tügel «Mäğärif» näşriätendä ber qızıqlı kitap bastırıp çığarıldı. Ul Tatarstannıñ xalıq şağire Fänis Yarullinnıñ «Sanduğaç oyası» dip atalğan xikäyälär cıyıntığı. Şunısı qızıq, bu kitap tatar telen latin grafikasında eksperimental' reweştä öyränüçe mäktäplär öçen çığarıla torğan seriädän. «Mäğärif» näşriäte şuşı seriädän inde ike kitap çığarğan ide. Xäzer menä 10 meñ tiraj belän öçençese dä dönya kürde. Bu bik matur itep eşlängän, sıyfatlı qäğäzdä basılğan kitapnıñ tağın ber üzençälege bar. Älege basmağa tuplanğan äsärlär kirillitsa belän başlanıp kitä häm äsärneñ iñ qızıqlı cirendä latin grafikasına küçerelä. Şulay itep, äsärneñ eçtälegenä kerep kitkän balada xikäyäne uqıp beterü teläge uyana. Uquçı bala ciñel genä, üzenän-üze latin grafikasın da qamilläşterä. Şulay uq basmanıñ axırğı bitendä latin xärefläreneñ tatarça äyteleşe kirillitsada birelgän.
XS
SM
MD
LG