Accessibility links

якшәмбе, 4 декабрь 2016, Казан вакыты 06:53

Kärim Tinçurin teatrına 69 yäş, Tatarstan radiosına 75 yıl


Kärim Tinçurin teatrına 69 yäş, Tatarstan radiosına 75 yıl

Sişämbe kiçendä Kärim Tinçurin isemendäge Tatar däwlät drama häm komediä teatrı artisları Törkiädäge gastrollärennän qayttı. Alar anda Näqi İsänbätneñ «Xuca Nasretdin» komediäsen täqdim itkännär. Antaliä däwlät teatrında 3 kön barğan bu spektaklne törek tamaşaçısı bik oşatqan häm tatar artistlarına tağın Törkiägä kilep, alarnı başqa spektakllär belän dä quandırırğa çaqırğan. Tinçurin teatrı artistlarınıñ çığışın qararğa kilüçe tamaşaçılar arasında bezneñ millättäşlärebez dä şaqtıy bulğan.

Ä çärşämbe, 6 noyäber könne, Kärim Tinçurin isemendäge däwlät drama häm komediä teatrı üzeneñ 69-nçı tuğan könen bilgeläp ütte. Teatrnıñ tuğan könendä artistlar tamaşaçılarğa Taci Ğizzät belän Cäwdät Fäyzineñ klassik äsäre — «Başmağım» muzıkal' komediäsen kürsättelär. Bu spektakl' yuqqa ğına saylanmağan. Anda teatrnıñ barlıq diärlek truppası qatnaşa.

6 noyäber könne Tatarstan radiosı da üzeneñ 75 yıllıq yubileen bäyräm itte. Tatarstanda ğına tügel, Rusiäneñ başqa küp kenä töbäklärendä tanış bulğan bu radionı, anıñ xezmätkärlären çärşämbe könne bäyrämnäre belän qotladılar, matur süzlär, teläklär işetterdelär.
XS
SM
MD
LG