Accessibility links

чәршәмбе, 7 декабрь 2016, Казан вакыты 15:39

Bäyräm könnärendä bulğan macara


Bäyräm könnärendä bulğan macara

Ozaq barsa, tuy da tuydıra, dilär xalıqta. 4 köngä suzılğan bäyräm häm yaldan xalıq tinteräp bette. Barı tik şähär xucalığı, aşığıç yardäm maşinaları, xastaxanälär, neft' çığaruçılar, ximiä şirkätläre genä tuqtap tormadı. Qarlı yañğır yawğanda da balıq totarğa çığıp kitüçelärneñ qayberäwläre macarağa duçar buldı. 6 noyäbrdä Layış rayonındağı ike balıqçı qayadır yuğaldılar. Alar motorlı köymädä yardan quzğalıp kitkäç, köymä motorı watılıp, yäşäw belän ülem arasında qalğan. “Şähri Qazan” gazetında Nail Ğäniev xäbär itüençä, közge cil bu balıqçılarnı Layıştan Alekseevski rayonına taba 40 çaqrımğa alıp kitkän. 2 kön buyına alarnı katerlarda ezlägännän soñ, öçençe köndä vertolet belän kütärelep, xälsezlängän, tuñğan xäldä alarnı tabıp alğannar. Ozaqqa barsa, bäyräm dä, tuy da, balıq artınnan su yanında yörü dä tuydıra.
XS
SM
MD
LG