Accessibility links

шимбә, 10 декабрь 2016, Казан вакыты 04:12

Tatarstan radiosınıñ tanılğan diktorı El's Ğädelev wafat buldi


Tatarstan radiosınıñ tanılğan diktorı El's Ğädelev wafat buldi

Axırda - qayğılı xäbärlär. Yevropa üzägendä Parij-Vena poyezdında yanğın çıqqaç, şunda häläk bulğan 12 keşe arasında Tatarstan wäkilläre buluı turında xäbär itkän idek. Yal itärgä Fransiägä barğan millättäşlärebez belän bergä, ber ük vagonda barğan 5 amerikalı, 3 Germaniä grajdanı, ber macar häm ber Gretsiä watandaşı bulğan. Rusiäneñ Brüssel'däge general' konsullığı bu turıda xäbär itkän häm häläk bulğan tatarstanlılar Qazanğa qaytarılğan. 10 noyäbrdä Qazan elemtä texnikumı binasında şuşı faciğägä duçar bulğan Rawil Fatıxov häm anıñ tormış iptäşe Rezidä xanım belän xuşlaşu buldı. Fatıxov elemtä ministrı urınbasarı bulıp eşlägän ide. Tatarstan radiosınıñ diktorı bulıp eşlägän, näşriät xezmätkäre bulğan El's Ğädelevne bik küplär yaxşı belä ide. Anıñ matur tawışı, ütken tele, tatar Levitanı digän quşamatı istäleklärdä genä qalaçaq. Şağir, diktor, jurnalist El's Ğädelev 66 yäşendä wafat buldı. Xezmättäşläre häm dusları anıñ yaqtı istälegen ber waqıtta da onıtmas. “Azatlıq” radiosı öçen Qazannan Rimzil Wäli.
XS
SM
MD
LG