Accessibility links

шимбә, 3 декабрь 2016, Казан вакыты 22:57

Sişämbe könne Tatarstan Respublikası Ministrlar kabinetında brifing uzdı


Sişämbe könne Tatarstan Respublikası Ministrlar kabinetında brifing uzdı

Sişämbe könne Tatarstan Respublikası Ministrlar kabinetında brifing uzdı. Anda tuğız ay öçendäge finans häm salım organnarı eşläreneñ näticäläre bäyän itelde, 2002 yılnıñ büdjet ütäleşe qaraldı, 2003 yılğa töp büdjet parametrları bilgelände. 2002 yılnıñ üktäbrenä Tatarstan Respublikası salım organnarı 45,5 milliard sum cıyıp alğannar. Bu bıltırğa qarağanda 1,3 kä kübräk. İñ küp salım tabışın sänäğät kiterä – 42 protsent. Bu 19,1 milliard sum. Annan soñ tözeleş belän transpot – 6 protsent. Säwdä häm cämäğät tuqlanuınnan respublika büdjetına 5 protsent yäki 2,2 milliard sum kerä. Tuğız ay eçendä salım organnarı 22 meñ tapqır tikşerü uzdırğannar häm här ike oçraqta salım tüläwçelärneñ zakon bozuları bilgele bula. Ütkärelgän tikşerülär näticäsendä respublika büdjetına östämä 1,2 milliard sum aqça kerä. Brifingta iqtisad häm sänäğät ministrı urınbasarı Räşit Fättaxov, finans ministrı urınbasarı Aleksey Şişkin, Rusiä Federatsiäseneñ Tatarstandağı salım häm salım cıyu idaräse başlığı urınbasarı Midxät Şahiäxmätov, finans ministrlığınıñ iqtisad bülege citäkçese Larisa Makarova qatnaştılar. Xökümättä aqça mäs’äläse qaralğanda Tatarstan Fännär akademiäsendä “Klimatnıñ global' üzgäreşlärenä bäyle räweştä imezüçe xaywannar häm qoşlar sanınıñ küpyıllıq dinamikası” dip isemlängän Xalıqara simpozium başlandı. Ul öç kön däwam itäçäk. Anda Yekaterinbur, Novosibirsk, Mäskäw, Peterbur, İjaw, Litva, Estoniä, Belorussiä, Pol'şanıñ fänni-tikşerenü institutları, yuğarı uqu yortları, zoologiä häm klimatologiä ölkäsendä eşläwçe 50-dän artıq xezmätkär qatnaşa. Fän eşlekleläre problemalar çişkändä, Tatarstan yuğarı uqu yortı studentları bäyrämgä äzerlänä. 13 noyäbr könne Qazanda Xalıqara studentlar könenä bağışlanğan Respublika festivale uzaçaq. Tatarstannıñ yuğarı uqu yortı studentları törle tügäräk öställärdä, bäyräm tantanalarında qatnaşaçaq. Soñğı könne Eçke eşlär ministrlığınıñ mädäniät üzägendä alar öçen Bard cırı festivale uzdırılaçaq.
XS
SM
MD
LG