Accessibility links

сишәмбе, 6 декабрь 2016, Казан вакыты 11:24

Rässam Firinat Xalikovnıñ kürgäzmäse açıldı


Rässam Firinat Xalikovnıñ kürgäzmäse açıldı

Mädäniät yañalıqlarına kilgändä, sişämbe könne Tatarstan Pässmnär berlegendä tarixi räsemnärdän torğan kürgäzmä açıldı. Alarnıñ avtorı – Tatarstannıñ atqazanğan sänğät eşleklese Firinat Xalikov. Äsärlär soñğı un yılda icat itelgän. Firinat Xalikov – respublikanıñ sınlı sänğätendä Qazan häm tatar xalqı tarixın näqışta sürätläwçe rässam. Anıñ räsemnärendä borınğı Qazan häm anıñ xalqı täfsille itep kürsätelä. Misal öçen, "Nurlı Qazan" räsemendä sürätlängän waqiğalar üz äçenä X-ХV ğasırlarnı ala. Xalqıbıznıñ bezdän yıraq çorlardağı uy-moñnarın, kiçereşleren, könküreşen istä qalırlıq itep sürätläp birä alğan rässam. Bügen inde barısı da üzgärgän, ämmä Firinat Xalikovqa şuşı küp ğasırlar elek bulğan Qazan küreneşläre, waqiğaları ayıruça yaqın häm qızıqlı. Firinat Xalikovnıñ "Qasıym xanlığı", "Borınğı Bolğar", "Bilär şähäre" kebek xezmätläre dä bar. Alarnı icat itü öçen rässamgä bik küp tarixi kitaplar uqıp çığarğa, arxeologlar häm arxitektorlar belän oçraşırğa turı kilgän, dip xäbär itä “Intertat.ru” elektron gazetası.
XS
SM
MD
LG