Accessibility links

якшәмбе, 4 декабрь 2016, Казан вакыты 05:04

Mintimer Şäymiev respublikada toraq-kommunal' xucalığınıñ torışın tikşerde


Mintimer Şäymiev respublikada toraq-kommunal' xucalığınıñ torışın tikşerde

Çärşämbe xäbärlären räsmi yañalıqlardan başlıybız. 12 noyäber könne Qazan kremlendä Tatarstan prezidentı Mintimer Şäymiev respublikada toraq-kommunal' xucalığın reformalawğa bağışlanğan eş kiñäşmäsen ütkärde. Mäğlüm bulğança, toraq-kommunal' xucalığın reformalaw Rusiädä xäzer iñ möhim problemalarnıñ berse. Anı prezident Vladimir Putin üze kontrol' itä. Şuña kürä, Tatarstanda da bu eşlärne Şäymievneñ üz cilkäsenä aluı ber dä säyer tügel. Citmäsä, bu mäs’älä xalıq öçen dä iñ üzäkkä ütkännärneñ berse. Bügenge köndä toraq-kommunal' xucalığın reformalaw konsepsiäsen eşläw belän küplär şöğellänä. Läkin bu ölkädä bäyälär kütärelüdän başqa üzgäreşlär kürenmi, kommunal' xezmät kürsätüneñ sıyfatı da uñay yaqqa ällä ni üzgärmi. Tatarstanda älegä qädär bäyälär üseşe sizelsä dä, alar xalıqnıñ rizasızlığın çığarırlıq tügel ide. Kommunal' xezmät tä başqa töbäklär belän çağıştırğanda äybäträk kürsätelep kilä. Mäsälän, inde xäbär itkänebezçä, Tatarstan belän kürşedä genä urnaşqan Mari respublikası Voljski şähäre xalqınıñ Tatarstanğa quşılırğa teläwe dä, berençe çiratta, näq menä şuşı ölkädäge problemalarğa bäyle ide.
Tatarstannı bu ölkädä nilär kötä soñ? Bu sorawğa tögäl cawap älege yuq. Çönki sişämbe könne ütkän cıyılışta äle bu bik qiın mäs’äläne härkemgä añlaw mömkinlege birerlek ğomümiläşterelgän proektnıñ berençe uqılışı, başlanğıç söyläşü genä bulğan. Ä konsepsiädän anıñ tormışqa aşuına qädär şaqtıy qatlawlı häm ozaq yul ütärgä kiräk. Şuña kürä dä bu söyläşüne Şäymiev qatnaşlığında respublika xökümäte utırışlarında däwam itärgä digän qarar qılındı. Älegä «Bezne närsä kötär soñ?» digän sorawğa cawap ezläwçelärne, Şäymievneñ şuşı cıyılışta äytelgän süzläre belän genä tınıçlandırıp bula. Prezident anda, toraq-kommunal' xucalığın reformalawnıñ qatlawlı buluı xalıqnıñ tormış däräcäsenä bäyle, häm bu faktornı hiç tä isäpkä almıy bulmıy. Bez härkem öçen häm iñ elek xalıq öçen qulay bulğan çişeleşlär tabarbız, dip ışandırdı.
Çärşämbe könne Tatarstan prezidentı Şäymiev Kremldä Rusiäneñ Federal' çik sağı xezmäteneñ Könyaq-könçığış idäräse citäkçese general-leytenant Mikael Oganesyan belän oçraştı.
XS
SM
MD
LG