Accessibility links

Tatarstannıñ Milli kitapxanäsendä Bolğar çorına bağışlanğan kürgäzmä eşli


Tatarstannıñ Milli kitapxanäsendä Bolğar çorına bağışlanğan kürgäzmä eşli

Tatarstannıñ Milli kitapxanäseneñ qulyazmalar häm siräk oçrıy torğan kitaplar bülege Bolğar çorına, anıñ tarixi häm arxitektura häykällärenä bağışlanğan kürgäzmä äzerläde. IX-XIV ğasırlarda yäşägän Bolğar ile turında Şäreq häm Yewropa tellärendä çığarılğan borınğı kitaplar söyliäçäk. Şulay uq dekabrgä qädär däwam itäçäk älege kürgäzmädä Bolğarnıñ tarixın öyrängän ataqlı tatar ğalime Şihabetdin Märcäni, başqa tanılğan tarixçılarnıñ kitapların, 1896 yılda bastırılğan Bolğar kartasın, xäzerge waqıtta Vatikanda saqlana torğan alman ğalime Gel'mol'tnıñ 1903 yılda dönya kürgän «Keşelek tarixı» digän kitabındağı bolğarlarnıñ räsemeneñ kopiäsen dä kürep bulaçaq. Ğomümän alğanda, kürgäzmä belän tanışırğa teläwçelär üzläre öçen monda şaqtıy küp qızıqlı material taba alalar.
XS
SM
MD
LG