Accessibility links

Кайнар хәбәр

Respublika arxitektorları Qazannıñ meñyıllığına äzerlänä


Respublika arxitektorları Qazannıñ meñyıllığına äzerlänä

Qazan üzeneñ meñyıllığına äzerlänä. Şuşı uñaydan başqalabızda ber-ber artlı törledän-törle çaralar ütä. Tatarstannıñ arxitektorları da bu äzerlek eşenä üzläreneñ öleşen kertergä buldılar. Sişämbe könne respublikanıñ Tarix muzeenda Tatarstannıñ yäş arxitektorlarınıñ berençe smotr-konkursı açıldı. Anda Qazanğa bağışlanğan 200-dän artıq xezmät belän tanışıp bula. Konkursnıñ maqsatı — yäş arxitektorlarğa bulışu, belgeçlärne alarnıñ icatı belän tanıştıru, şähärneñ olı yubileyı citkänçe anı tözekländerüdä, maturlatuda yaña fikerlär, ideyälär tabu. Ä 14 noyäbr könne «Aqkirmän» dip atalğan tarix yaratuçılar klubı açılaçaq. Anda arxitektorlar, ğalimnär häm restavratorlar borınğı Qazannıñ kiläçägen tikşeräçäklär.
XS
SM
MD
LG