Accessibility links

якшәмбе, 11 декабрь 2016, Казан вакыты 09:05

Mäskäwdäge 23 üktäbr faciğäsenä qarata Tatarstandağı berençe reaksiäne äläkläw däwam itä


Mäskäwdäge 23 üktäbr faciğäsenä qarata Tatarstandağı berençe reaksiäne äläkläw däwam itä

Älbättä, berençe çiratta iñ qızıq tema - Mäskäwdäge terror aktına Tatarstandağı reaksiä häm Tatarstandağı reaksiägä Mäskäw reaksiäse. Mäğlüm ki, inde “Azatlıq” radiosı söylägänçä, Mäskäwdäge faciğä barışında Tatarstan televideniese maxsus tapşıru yasadı. Älege tapşıruğa qarata “Efir” telekompaniäse qarşı analitik tapşıru yasadı häm moña irekle matbuğat wäkilläre säyäsi äläkläw digän bäya birdelär. Mondıy äläkläwlär däwam itte. Rus mädäniäte cämğıäte, Rusiäneñ sotsial-demokratik firqäse, “Согласие” xäräkäte häm başqa şunıñ işe ictimaği oyışmalar Rusiä prezidentına Rusiä däwlät teleradiokompaniäse citäkçelegenä möräcäğätlär yazdı. Şuşı könnärdä tağın şul uq atalğan firqälär häm xäräkätlär, şulay uq alarğa quşılğan “Православное братство святителя Гурия” digän ictimaği oyışma häm 88 Qazan keşese imzalağan Rusiä prezidentına möräcäğät dönya kürde. Monısı inde tağın da kiñräk diapazondağı möräcäğät. Anıñ iseme dä Tatarstanda milli häm dini bilgelänü buyınça diskriminatsiäläw häm Rusiägä qarşı käyeflärne quyırtu dip atala. Monda inde Tatarstanda 1990 yılda däwlät möstäqillege turında deklaratsiä qabul itkännän birle barğan protsesslarğa bäya birelä. Mäskäwdän äle mondıy äläkläwlärgä räsmi reaksiä işetelmi.

Şulay da, pänceşämbe könne Qazanğa Rusiä däwlät teleradiokompaniäseneñ “Вести недели” tapşırunıñ maxsus törkeme kilüe mäğlüm. Bu törkem Mäskäwdäge faciğägä qarata çıqqan xäbärlärne, tapşırularnı urında analizlıyaçaq. Şulay uq xalıq fikeren dä beleşäçäk. Ä inde Mäskäw faciğäsebä qarata Rusiä xakimiäteneñ törle säyäsi belderülärenä, çaralarına qarata älegä räsmi dairälärdä mönäsäbät belderelmäde. Şulay uq, inde xäbär itkänebezçä, qayber mäğlümat çaralarınıñ çığışlarına, tapşırularına qarata da mönäsäbät, bäyäläw belderelmäde. Ä inde älege faciğädä totıqlar bulğan Qazan keşelärenä kilgändä, alarnıñ ikese ğailä bulıp yäşäwçe Al'bert Xakimcanov häm Tatyana Antonova xäzerge waqıtta Qazan üzägendäge şifaxanädä yal itälär ikän. Älläni şaqqatırğıç, qotoçqıç närsälär söylämilär. Çınnan da bik qurqınıç bulğan, alar fani dönya belän xuşlaşqannar. Mäğlüm ki, inde bu faciğä barışında törle yalğannar faş itelä başladı. İñ berençe yalğannı – terrorçılar totıqlar arasındağı möselmannarnı, Kavkaz xalıqların azat itälär, dip iğlan itüne Qazan keşeläre dä faş itä. Andıy iğlan bulmağan, ä inde Albert İslam ulı üzeneñ tatarlığın iskä almaslarmı ikän dip, menä min tatar, ätiemneñ iseme İslam dip möräcäğät itkäç, terrorçılarnıñ berse ätieñneñ iseme bik kürkäm, läkin urınıña barıp utır, dip cawap birgän dip söyli Mäskäw faciğäse şahitı.
XS
SM
MD
LG