Accessibility links

чәршәмбе, 7 декабрь 2016, Казан вакыты 19:21

Tatarstan Yuğarı mäxkämäsendä gazütkärgeç şartlatu eşe qarala


Tatarstan Yuğarı mäxkämäsendä gazütkärgeç şartlatu eşe qarala

Säyäsät belän bäyle tağın ber waqiğa - Tatarstan Yuğarı mäxkämäsendä terrorçı eşe qaralu. Mäğlüm ki, 1999 yılnıñ közendä Quqmara rayonı çigennän uzğan Urengoy-Pamarı-Ujgorod gazütkärgeçe şartladı. Bu terror aktında qatnaşqan 10 keşene 2000 yılda Tatarstan Yuğarı mäxkämäse xökem itte. Alar 12,5-14 yılğa ireklärennän mäxrüm itelde. Älege cinayättä qatnaşqan häm oyıştıruçı dip sanalğan Ramazan İşkildin ul waqıtta qaçqın ide. Anı bıyıl cäy Azärbaycan çigen uzğanda totıp alğannar. Däwlät ğäyepläwçese Ramazan İşkildinnı 1998 yılda Çeçnyada “Kavkaz” digän uqıtu üzägendä maxsus äzerlek uzğan dip sanıy. Şunnan soñ 1999 yılnıñ cäyendä Quqmara rayonına kilep, qorallana, şartlatqıçlar äzerli häm waxabçılardan törkem tözi. Annarı soñ inde gazütkärgeç şartlatıla. Ramazan İşkildin Başqortostannan. Çeçnädä häm Quqmarada buluın inkyar itmäsä dä, mäxkämädä ul älege şartlatu waqıtında öyemdä, Başqortostanda buldım, dip belderde. Pänceşämbe könne mäxkämägä şahitlar sıyfatında çaqırılğan, bu eş buyınça elek xökem itelgän 3 keşe şahitlek itüdän baş tarttılar.
XS
SM
MD
LG