İnde xäbär itkänebezçä, Tatarstan däwlät radio-televidenie kompaniäsendä pänceşämbe kiç sensatsion üzgäreş buldı. Yartı yıl da eşläp ölgermägän räis İrek Mortazin üze teläp eşennän kitte. Mondıy waqiğa yış bulmıy häm ul xaqta täfsilläbräk söyläp kitü kiräkter. Mäğlum ki, ul elegräk Tatarstan prezidentınıñ iñ yaqın xezmätkärläreneñ berse, yäğni press-sekretar' bulıp eşlägän ide. Bu däwerdä Mortazin küpme igelekle ğämäl qılğandır — anısın prezident üze genä belä. Ä menä jurnalistlar arasında press-sekretar'neñ üzençälekle, dorfa xarakterı turında imeş-mimeşär baytaq yörde. Dimäk, aña teş qayrawçılar da az bulmağandır.
Menä şundıylarnıñ uramına bäyräm kötmägändä kilde. Mäskäwdä teatral' märkäzdä terroristlar tarafınnan totıqlar alınğan kiçtä «Tatarstan» telekanalı aşa turı efirda Mortazin häm prezident kinäşçese Rafael' Xäkimov bu waqiğağa üz qaraşların bäyän itkännär ide. Çığışlarnıñ töp mäğnäse terrorizmnıñ tamırı Çeçnyadağı suğışqa bäylängän, berençe çiratta anı tuqtatırğa kiräk digän fikerdän ğibärät ide. Älbättä, demokratik cirlektä üz fikeren açıqtan-açıq här keşe äytä ala. Şul isäptän telekompaniä citäkçese dä. Läkin Rusiädä äle sovet çorınnan birle yäşäp kilgän säyäsi uyawlıq berqayäda kitmäde. Bertörkem uyaw grajdannar häm xättä qayber cämäğät oyışmaları şunduq Mäskäwgä oşaq, yäğni donos cibärdelär. Yänäse şundıy xäwefle çorda Tatarstanda qayber citäkçelär separatizmnı häm terrornı yaqlap çığışlar yasıylar.
Ozaq ta ütmäde RTR älege äläklärne cidti dip tabıp, Tatarstanğa maxsus gruppa cibärde. Şulay itep, Tatarstan prezidentı caysız xäldä qaldı. Ber yaqtan, xaq söylägän xezmätkärlärenä niçek itep cäza çığarırğa, ä ikençe yaqtan, reaksiä kürsätmäsäñ, terrorizm şawqımında qaynağan Mäskäwgä monı niçek añlatırğa. Äytergä kiräk, bu çuan üz yulı belän tişelde. Ber-ike ay elek qırt kisärgä yaratqan ütä täwäkkäl Mortazin Däwlät telekompaniäse häm yaña oyışqan TNV teleradiokompaniäse belän milek bülü buyınça awır bäxäskä kergäç, prezident isemenä eştän kitü turında ğariza yazğan bulğan. Änä şul dokument nigezendä prezident färmanı päydä buldı da inde.
Yaña räis itep «TNV» kanalında İlşat Äminovnıñ berençe urınbasarı bulıp eşlägän Ayrat Sibağatullin bilgelände. Yomğaqlap äytsäk, ike telekanal da älegä normal' xäyättä eşlämilär. Ber-işe jurnalistlar haman da eşkä urnaşa almıy nizağlaşıp yörilär, milek, fondlardağı audio-video yazmalarnı ğädel bülü-bülmäw tiräsendä dä bäxäslär tınmıy. Häm iñ möhime — soñğı çiktä bolar barısı da tamaşaçılarnıñ ruxi, mädäni ixtıäcın qänäğätländermäwgä kiterä. Xäyer monısı öçen kem qayğırta?
Menä şundıylarnıñ uramına bäyräm kötmägändä kilde. Mäskäwdä teatral' märkäzdä terroristlar tarafınnan totıqlar alınğan kiçtä «Tatarstan» telekanalı aşa turı efirda Mortazin häm prezident kinäşçese Rafael' Xäkimov bu waqiğağa üz qaraşların bäyän itkännär ide. Çığışlarnıñ töp mäğnäse terrorizmnıñ tamırı Çeçnyadağı suğışqa bäylängän, berençe çiratta anı tuqtatırğa kiräk digän fikerdän ğibärät ide. Älbättä, demokratik cirlektä üz fikeren açıqtan-açıq här keşe äytä ala. Şul isäptän telekompaniä citäkçese dä. Läkin Rusiädä äle sovet çorınnan birle yäşäp kilgän säyäsi uyawlıq berqayäda kitmäde. Bertörkem uyaw grajdannar häm xättä qayber cämäğät oyışmaları şunduq Mäskäwgä oşaq, yäğni donos cibärdelär. Yänäse şundıy xäwefle çorda Tatarstanda qayber citäkçelär separatizmnı häm terrornı yaqlap çığışlar yasıylar.
Ozaq ta ütmäde RTR älege äläklärne cidti dip tabıp, Tatarstanğa maxsus gruppa cibärde. Şulay itep, Tatarstan prezidentı caysız xäldä qaldı. Ber yaqtan, xaq söylägän xezmätkärlärenä niçek itep cäza çığarırğa, ä ikençe yaqtan, reaksiä kürsätmäsäñ, terrorizm şawqımında qaynağan Mäskäwgä monı niçek añlatırğa. Äytergä kiräk, bu çuan üz yulı belän tişelde. Ber-ike ay elek qırt kisärgä yaratqan ütä täwäkkäl Mortazin Däwlät telekompaniäse häm yaña oyışqan TNV teleradiokompaniäse belän milek bülü buyınça awır bäxäskä kergäç, prezident isemenä eştän kitü turında ğariza yazğan bulğan. Änä şul dokument nigezendä prezident färmanı päydä buldı da inde.
Yaña räis itep «TNV» kanalında İlşat Äminovnıñ berençe urınbasarı bulıp eşlägän Ayrat Sibağatullin bilgelände. Yomğaqlap äytsäk, ike telekanal da älegä normal' xäyättä eşlämilär. Ber-işe jurnalistlar haman da eşkä urnaşa almıy nizağlaşıp yörilär, milek, fondlardağı audio-video yazmalarnı ğädel bülü-bülmäw tiräsendä dä bäxäslär tınmıy. Häm iñ möhime — soñğı çiktä bolar barısı da tamaşaçılarnıñ ruxi, mädäni ixtıäcın qänäğätländermäwgä kiterä. Xäyer monısı öçen kem qayğırta?