Accessibility links

шимбә, 10 декабрь 2016, Казан вакыты 02:25

2003 yılda qaznadağı çığımnar küläme 6 milliard sumğa äzäya


2003 yılda qaznadağı çığımnar küläme 6 milliard sumğa äzäya

Tatarstan mäğlümät çaraları Däwlät Sovetı komissiäläreneñ respublikanıñ 2003 yılğı büdjetın tikşerülären kiñ yaqtırtalar. Matbuğat respublikadağı qazanışlar uzğan yıl belän çağıştırğanda tübänräk bulır, büdjettan aqça alıp eşläwçelärgä ciñel bulmas dip farazlıy. 2003 yılda qaznadağı çığımnar küläme bıyılğısı belän çağıştırğanda 6 milliard sumğa äzäyerğa tieş. Respublikada aqçanıñ äzräk buluı, «Восточный экспресс» gazetası ekspertı fikerençä, Tatarstandağı häm Rusiädäge stagnatsiä yäğni krizis arqasında. Tağın ber säbäp: salımnarnı federal' büdjet faydasına bülü. Üzäktän respublikağa 5 yıllıq programma nigezendä wäğdä itelgän yardämneñ küläme 2003 yılda 1 mlrd. sumğa kimräk bula ikän. Monda äle 12% inflyatsiä isäpkä alınmağan. Däwlät Sovetınıñ 6 komissiäse büdjet proektın ütä çıqtılar. Kiläse atna başında bu eşkä töp komissiä — büdjet komissiäse kereşä. Noyäbr axırlarında Däwlät Sovetı 2003 yılnıñ büdjetın qabul itärgä tieş.
XS
SM
MD
LG