Accessibility links

Кайнар хәбәр

Tatarstannıñ 2003 yılğa büdjet proektın tikşerü çirattağı etabın uzdı


Tatarstannıñ 2003 yılğa büdjet proektın tikşerü çirattağı etabın uzdı

Köndälek xäbärlärgä kilgändä, atna Ministrlar Kabinetınıñ 2003 yılğa byudjet proektın tikşerügä bağışlanğan kiñäşmädän başlanıp kite. Älege kiñäşmädä Rusiäneñ yaña salım kodeksı arqasında ğına, yäğni federal' üzäk belän cıyılğan salımnarnı büleşü tärtibe üzgärü arqasında ğına Tatarstan byudjetı 2003 yılda 1.5 milliard sum keremen yuğalta, dip äytelde. Şulay uq salımnarnıñ iñ zur öleşe bıyıl fizik zatlardan cıyılçaq ikän. Şuña kürä 2003 yılğa büdjetta komprmisqa kilergä häm teläklär belän mömkinleklärne yaraqlaştırırğa turı kiläçäk.

Xäbär itkänebezçä, uzğan atnada Däwlät Şurasınıñ daimi komissiälärendä 2003 yılğa byudjet proektın tikşerü bardı. Düşämbe kiñäşmäsendä älege daimi komissiälärdä tağın da östämä aqçalar taläp itelgän. Şulay itep, ägärdä deputatlar taläben ütäsäñ tağın ber büdjetlı keremnär ezlärgä turı kilä, yä bulmasa, byudjet defitsitın ikelätä arttırırğa kiräk bulaçaq. Şulay itep, büdjetqa bağışlanğan parlament tıñlawları häm Däwlät Şurasında 2003 yılğa büdjet proektın tikşerü awır häm qatlawlı şartlarda barır, dip faraz itelä.
XS
SM
MD
LG