19 noyäberdän Qazanda başqort estradası festivale başlana. Täwge tapqır başqalabız säxnälärendä Başqortostannıñ barlıq estrada yoldızları ike atna däwamında konsert nomerları belän çığış yasayaçaq. Ğabdulla Tuqay isemendäge Tatar däwlät filarmoniäseneñ Konert zalında, annarı Ximiklar mädäniät sarayında Başqort däwlät filarmoniäseneñ "Qärwan-Saray", "Dalan", "İxlas", "Yädqär", "Bağanay-Qolğanay" estrada törkemnäre icatları belän tanışırğa mömkin bulaçaq. Festival' qısalarında tamaşaçını yumor kiçäläre dä kötä. Älege festival' buş urında tuğan proekt tügel, başqort yoldızları bu festivalne oyıştırırğa inde küptän planlaştırıp quyğan bulğan häm ul ozın-ozaq yul ütte.
Yunıs Ätnäle
Yunıs Ätnäle