Accessibility links

шимбә, 10 декабрь 2016, Казан вакыты 23:38

Bötendönya tatar kongressında Qazanda çığuçı gäzit-jurnal wäkilläre belän oçraşu uzdı


Bötendönya tatar kongressında Qazanda çığuçı gäzit-jurnal wäkilläre belän oçraşu uzdı

Räsmi yañalıqlardan milli tormışqa küçik. Milli mäsälälärne häm tatar milläteneñ bügenge xäle, küptän tügel bulıp ütkän Tatar kongressınıñ yomğaqları häm anıñ qararları turında söyläşügä çärşämbe könne Qazanda çığuçı gäzit-jurnallarnıñ wäkilläre çaqırıldı. Bu oçraşu Bötendönya tatar kongressı Başqarma komitetı binasında buldı. Yış qına cämäğätçelek tarafınnan şundıy fiker yañğıratıla. Aktual' säyäsi häm milli problemalarğa tatar matbuğatı bik siräk häm soñğa qalıp qına cawap birä. Yä isä rus telendäge gäzetalar yäki Mäskäw matbuğatı, radio-televidenieseneñ mäğlümät höcümenä qarşı torırlıq argumentlar kiterelmi. Rusiä Fännär akademiäseneñ etnologiä häm antropologiä institutı direktorı Valeriy Tişkovnıñ tatar kongressına yala yaqqan häm yalğan belän tulı mäqäläsenä qarşı cawapnı barı tik “Zvezda Povolj'ya” häm “Vostoçnıy ekspress” gazetaları ğına çığardı. Büdjet xisabıa yäşäwçe mäğlümät çaraları xättä Tatarstannıñ möstäqillege, konstitutsion xoquqları awır xäldä qaluğa da sülpän mönäsäbät kürsätälär. Oçraşuda tatar kongressı häm Rusiä tatarları federal' avtonomiäse xezmätkärläreneñ dä jurnalistlarğa tieşle mäğlümätlär birergä, xezmättäşlekne kiñäytergä kiräklege turında fikerlär yañğıradı.

Ni ğäcäp, Mäskäw gazetalarınıñ respublikada çığa torğan maxsus bitlärendä Tatarstandağı häm tatar xalqı tormışındağı waqiğalar köne-säğäte belän çağıldırıla. Mäsälän, Däwlät Dumasında kirillitsağa barlıq milli älifbalarnı buysındıru turında qarar qabul itelgäç, “Moskovskiy komsomolets v Tatarstane” gazetasınıñ xäbärçese Lev Ovrutskiy şul uq köndä «Ne dumskoe eto delo» digän dälille mäqälä bastırdı. Lev Ovrutskiy milli tellärgä parlament qanunı belän qısılu, demokratiäne häm millätlär xoquqların qısu dip sanıy. Şulay itep tatar milläten yaqlağanda da, Mäskäw jurnalistları alda bara bulıp çığa.
XS
SM
MD
LG