Accessibility links

сишәмбе, 6 декабрь 2016, Казан вакыты 19:09

Qazanda tağın ber universitet päyda buldı


Qazanda tağın ber universitet päyda buldı

Tatarstanda tağın ber universitetqa kübäyde. Qazan däwlät sänğät häm mädäniät akademiäse dä xäzer universitet isemen yörtä. Tizdän şuşı uqu yortınıñ täqdir itü kiçäse ütäçäk. Şunısın da äytergä kiräk, Mädäniät häm sänğät universitetı Tatarstan öçen genä tügel, Rusiäneñ başqa regionnarı öçen dä milli kadrlar äzerli torğan berniçä yuğarı uqu yortınıñ berse. Universitet turında tulıraq mäğlümät alır öçen bez Qazan däwlät sänğät häm mädäniät universitetınıñ teatr fakul'tetı dekanı, dotsent Firdaniä xanım Sadrievağa möräcäğät ittek. Ul bezgä menä nilär söyläde:

Bezneñ uqu yortı 1969 yılnı Leningrad däwlät mädäniät institutınıñ filialı bulıp açıldı. 1974 yılnı ul möstäqil institutqa äwerelde. 2002 yılnıñ yülennän Qazan däwlät sänğät häm mädäniät akademiäse universitet isemen yörtä başladı. Bezdä 5 fakul'tet, alarda ike meñnän artıq student uqıy. Sänğät häm mädäniät universitetın beterep çığuçılar Qazanda, Tatarstannıñ här rayonında ğına tügel, ä Rusiäneñ başqa töbäklärendä dä eşlilär. Mäsälän, bezneñ studentlarıbız Minzälä, Çallı, Orenbur, Ufa şähärlärendä şaqtıy uñışlı ğına eşläp kilälär.

Bez şuşı abruylı uqu yortınıñ barlıq uqıtuçıların, uquçıların, hämmäsen täbriklibez. Häm kiläçäktä dä universitet tatar milläteneñ üseşenä tağın da zurıraq öleş kerter, digän ömettä qalabız.

«Azatlıq» radiosı öçen Tatarstan xäbärläre belän Qazannan Gölnaz İlgizär
XS
SM
MD
LG